Nothing Phone 2 смартфони Snapdragon 8 Gen сериясидаги чипсет билан жиҳозланади
Барселонада бўлиб ўтаётган Бутунжаҳон мобил конгрессида Nothing ҳам медиа эътиборидан қолгиси келмади – компания раҳбари Карл Пей ўзининг иккинчи смартфони ҳақида айтиб берди.
Ўзининг TechCrunch нашрига берган интервюсида Карл Пей энг аввало Phone 1 нусхасига тўхталиб ўтди. Карлдан уларни кўчирмачилик учун судга бериш ҳақида сўралганида у шундай жавоб берди:
Йўқ. Улар жуда кичкина. Албатта, бу ҳеч кимга ёрдам бермайди.
Карл Пей, шунингдек, компаниянинг иккинчи смартфони, Nothing phone (2) ҳақидаги кичик маълумотларни улашиб ўтди.
– Phone (2) ҳақида нима дея оласиз?
– Биз [Snapdragon] 8 сериясидан фойдаланамиз. Аввалроқ, мен бу премиум қурилма бўлишини айтгандим. Аммо биз бу Qualcomm ёки MediaTek бўлишини расман тан олмаган эдик.
Афсуски, Карл бундан бошқа тафсилотларни очиқламаган. Эҳтимол, У айтиб ўтган Qualcomm чипсети Snapdragon 8 Gen 2 бўлиши мумкин, чунки бугунги кунда кўплаб премиум смартфонлар ана шу чипсет билан жиҳозланмоқда.
Қолаверса, Nothing Phone 2 смартфони Қўшма Штатлар учун ҳам чиқарилишини Карл Пейнинг ўзи расман тасдиқлаган. Смартфоннинг қачон чиқарилишига келадиган бўлсак, бу жорий йилнинг учинчи чорагида содир бўлиши мумкин.
Шунингдек, компания раҳбари ўзларининг янги авлод смартфони кўпроқ дастурий таъминотга эътибор берилган ҳолда чиқарилишини айтади.
Ҳа, айтганча, Nothing'дан букламафон кутманг, чунки Карл Пей бундай смартфонлар "фойдаланувчилар муаммоларини ҳал қилмайди" деб ўйлайди.
ЎҚИНГ: Motorola'нинг афсонавий Rizr бренди консепт смартфон кўринишида қайтмоқда!
