OnePlus ўзининг илк букламафонини қачон чиқаришини маълум қилди!
Apple ва Google каби техногигант компаниялар ўзининг букланадиган смартфонини "ана чиқаради, мана чиқаради" деб миш-миш бўлаётган бир вақтда, Oppo қарамоғи остидаги OnePlus бренди расман тез орада ўзининг букламафонини чиқаришини эълон қилди.
Бу йилги Мобил Жаҳон Конгресси ноанъанавий шаклдаги смартфонлар учун ҳақиқий байрамга айланди ва OnePlus бу байрамга қўшилган энг сўнгги компания бўлмоқда. Oppo қарамоғидаги бренд кеча ўзининг илк букламафонини 2023 йилнинг иккинчи ярим йиллигида чиқаришини маълум қилди.
"Бизнинг биринчи букланадиган телефонимиз энг тез ва силлиқ тажрибага эга бўлади. Бу саноат дизайни, механик технологияси ва бошқа жиҳатлари бўйича йиғиладиган шакли билан ўзгармас флагман телефон бўлиши керак", – дейди OnePlus компанияси президенти ва бош директори Киндер Лиу Бутунжаҳон мобил конгрессида.
Маълум бўлишича, OnePlus'нинг илк букламафони кўпроқ китоб шаклида очилиб-ёпиладиган бўлади, яъни у Galaxy Z Fold билан рақобатлаша оладиган бўлади. Бу янги қурилма бўладими ёки Oppo Find N2'нинг ўзгартирилган ва ребрендланган версияси бўладими, бу ҳозирча номаълум. Гап шундаки, Oppo компанияси ҳозирда ўзининг иккинчи авлод букламафонлари, Find N2 ва Find N2 Flip қурилмаларини сотмоқда, фақат Хитойда.
Афсуски, OnePlus ўзининг бўлажак букламафони лоақал суратини ҳам улашмади.
ЎҚИНГ: Nothing Phone 2 смартфони Snapdragon 8 Gen сериясидаги чипсет билан жиҳозланади
