Samsung Galaxy Note 7 нега ёнганига аниқлик киритди

Samsung Galaxy Note 7 нега ёнганига аниқлик киритди

Бугун Жанубий Кореянинг Samsung компанияси шу йилнинг август ойида тақдим этилиб, жиддий носозлик туфайли ёниб кета бошлаган ва охир-оқибатда ишлаб чиқарилиши тўхтатилган Galaxy Note 7 фаблетининг ёниб кетиш сабабларини расман эълон қилди, деб ёзмоқда hi-tech.mail.ru.

Бир неча ой мобайнида давом этган тадқиқотда 700 нафардан ортиқ мутахассис 200 мингта телефон ва 30 мингта батареяни ўрганиб чиққан. Шунингдек, Samsung бу борада бошқа мустақил компанияларнинг хизматига ҳам мурожаат қилган.

Хулоса

Тадқиқот натижасида фаблетга ўрнатилган икки турдаги батареянинг конструкцияларида дефект борлиги аниқланган. Биринчи партиядаги батареялар носоз манфий электродлар билан чиқарилган бўлса, иккинчи партия эса ишлаб чиқариш жараёнидаги камчиликлар туфайли брак ҳолатда етказиб берилган.

Келажакда яна бундай нохуш ҳолат такрорланишининг олдини олиш мақсадида Samsung соҳадаги илғор консультантлар ёрдамида батареяларни қурилмада синаш бўйича 8 поғонали тест жараёнини жорий қилган.

Хабарларни тез ва осон ўқиш учун Андроид иловамизни сақлаб олинг.