2016 йилда энг кўп смартфон сотган 10 та Хитой бренди

2016 йилда энг кўп смартфон сотган 10 та Хитой бренди

IHS Technology агентлиги 2016 йилда жаҳон бўйлаб энг кўп смартфон сотишга муваффақ бўлган 10 та йирик Хитой брендини ўз ичига олган рўйхатни тайёрлади, деб хабар бермоқда China-Review нашри.

Рўйхатни Huawei компанияси бошқармоқда, у 2016 йилда дунё  бозорига жами 139 млн дона смартфон етказиб берган. Oppo (95 млн) ва Vivo (82 млн) брендлари Huawei’дан кейинги ўринларни банд қилишган. Кучли учликдан катта фарқ билан Xiaomi (58 млн) тўртинчи ўринда келмоқда. ZTE эса 57 млн смартфон билан рўйхатнинг бешинчи поғонасини эгаллаган.

Шунингдек, Lenovo (50 млн), TCL (34 млн), Gionee (28 млн), Meizu (22 млн) ва LeEco (19 млн) брендлари ҳам ушбу рўйхатга киритилган. Мутахассисларнинг қайд этишича, Meizu Quallcomm чипларида камроқ смартфон тайёрлагани туфайли ўтган йили унинг савдо кўрсаткичлари сезиларли даражада пасайган.