iPhone 5S туфайли Apple`нинг Россия бозоридаги ўрни мустаҳкамланди

iPhone 5S туфайли Apple`нинг Россия бозоридаги ўрни мустаҳкамланди

2016 йил якунларига кўра Apple смартфон сотувлари бўйича Россияда иккинчи поғонани эгаллаган. 2015 йилда компания бу йўналишда 5 ўринда бўлган эди, деб хабар бермоқда Hi-Tech.Mail.Ru.

Жанубий Кореянинг Samsung компанияси 21,6% улуш билан ўтган йили Россияда энг кўп смартфон сотган брендга айланди. У 2015 йилга нисбатан сотув кўрсаткичларида 0,7% ўсишни қайд этган.

11,1% улуш билан  Apple иккинчи ўринда. Энг қизиғи, “Олма” 2015 йилга қараганда яхши ўсиш кўрсаткичи намойиш қилди – 3,5%. Бунга сабаб ўрта нарх сегментидаги Apple қурилмаларига бўлган талабнинг ортганидир. Россияда ҳозиргача 2013 йилда чиқарилган iPhone 5S оммабопликда бошқа “Олма” гаджетларини ортда қолдирмоқда.

Lenovo, Microsoft сингари брендлар ўтган йили Россия бозорида ўз харидоргирлигини сезиларли даражада йўқотди. LG компаниясининг улуши эса 2016 йилда 3,9 фоизга юқорилаган. Бунга компания янги моделларни сотувга чиқариш билан эришган.

Terabayt.uz сайтининг видеолари: Youtube'даги каналимизда!