Google’нинг шахсга йўналтирилган рекламасини ўчириш

  •   DiMaX
  •  2325
  •  21.02.2017 13:25

Google’нинг шахсга йўналтирилган рекламасини ўчириш

Сезгандирсиз – интернетда бирор маҳсулот ҳақида шунчаки маълумот қидирсангиз, дарров шу товарни сотмоқчи бўлганларнинг реклама баннерлари ҳам чиқиб келади. Бунинг сабаби шундаки, қидирув тизими ҳам, реклама баннерлари ҳам битта компанияга – Google’га тегишли. Унинг эса «кўзи ўткир» – ҳамиша сизнинг қидирув сўровларингизни, интернетдаги қизиқишларингиз доирасини, сиз кирадиган сайтларни кузатиб боради. Шуларни таҳлил қилиб бориб, айнан сизга мос келувчи маҳсулот ёки хизматни таклиф этувчи рекламаларни кўрсатади. Нафақат Google, балки Яндекс ҳам, ижтимоий тармоқлар ҳам худди шундай йўл тутишади. Муайян бир шахсга мослаб тақдим этилгани учун, буни «шахсга йўналтирилган реклама» дейиш мумкин.

Қуйида эса айнан Google тизимида шахсга йўналтирилган рекламаларни ўчириб қўйиш йўлини кўриб чиқамиз.

Кўпчилик қатори, сизнинг ҳам Google аккаунтингиз бўлса керак; агарда Android’дан фойдалансангиз, маълумотларни бошқариш саҳифасига киринг. Бу ерда, «Махфийлик» («Конфиденциальность») бўлимида реклама бўйича созламалар («Настройки рекламных предпочтений») банди мавжуд.

 

Google аккаунтидаги махфийлик созламалари

Энди шу очилган бўлимда «Рекламани созлаш» («Настроить рекламу») бандини босинг:

Реклама созламалари

Бу ерда нафақат шахсга (яъни – айнан сизга!) йўналтирилган рекламанинг кўрсатилишини ўчириб қўйишингиз, балки ўзингизнинг қизиқишларингиз рўйхатини ўзгартиришингиз ҳам мумкин. Чунки Google айнан шу қизиқишларингиз асосида танлаб-танлаб сизга реклама кўрсатади.

 

Рекламанинг шахсга йўналтирилиши созламалари

Худди шу ҳаракатларни Android тизимли смартфон (ёки планшет)да ҳам амалга ошириш мумкин. Буни созламаларнинг қуйидаги манзили орқали қиласиз: Настройки > Google > Конфиденциальность > Настройки рекламных предпочтений. Бу ерда ҳам худди оддий стандарт версиядаги каби интерфейс чиқади, шу ерда реклама созламаларини ўзгартиришингиз керак.

 

Android’да реклама созламалари

Телефонда, шунингдек, яна битта қўшимча ўзгартириш киритишингиз керак бўлади: Настройки > Google > Реклама и отключите персонализацию рекламы:

Android’да рекламанинг шахсга йўналтирилиши созламалари

Шу ҳаракатларни амалга оширганингиздан кейин Google энди айнна сизга мослаб реклама кўрсатмайди. Лекин барибир уларнинг ўрнига эски, нейтрал реклама баннерлари чиқиб туради.

Terabayt.uz сайтининг видеолари: Youtube'даги каналимизда!