2019 йили энг кўп сотилган ўйинлардан бирини бепул пайти буткул олиб қўйинг! (+видео)

  •   DiMaX
  •  1683
  •  22.05.2020 09:46

2019 йили энг кўп сотилган ўйинлардан бирини бепул пайти буткул олиб қўйинг! (+видео)

Epic Games дўкони энг қизиқарли экшен ўйинлардан бири – Grand Theft Auto 5’ни нақ бир ҳафта давомида текинга тарқатди! Энди эса у ердан яна бир хит – Civilization VI ўйинини бепул олиш мумкин.

ЎҚИНГ: Оммабоп ролли ўйин – «Жодугар»ни бепул ва бутунлай олиб қўйинг!

Civilization VI – қадам-бақадам стратегия йўналишидаги ўйин бўлиб, геймер унда ўз цивилизациясини қуради ва ривожлантиради. Унда ўйин дунёси билан мулоқотга киришишнинг кўплаб янги усуллари мавжуд. Уруш эълон қилиш, дипломатик музокаралар олиб бориш, маданиятни ривожлантириш, инсоният тарихидаги энг буюк етакчиларни жангга чорлаш мумкин. Хуллас, коронавирус пандемияси туфайли изоляцияда у билан зерикиб қолмайсиз.

Ушбу қизиқарли ўйинни Epic Games Store десктоп клиенти орқали ёки дўконнинг сайтидан мана бу ҳавола ёрдамида олиш мумкин. Бунда логин-паролингиз орқали аккаунтингизга кириш (аккаунтингиз бўлмаса – яратиб олиш) ҳамда Civilization VI’ни ўз кутубхонангизга қўшиб қўйиш кифоя.

Айтиш керакки, Steam дўконида энг кўп сотилган ўйинлар рейтингида Civilization VI иккинчи ўринда турибди. Унинг бепул берилиши 28 майгача давом этади, шу пайтда кутубхонага қўшиб қўйсангиз, ўйин сизда доимий бўлиб қолади – ўрнатиш ва ишга туширишни кейинроқ қилсангиз ҳам бўлаверади.

ЎҚИНГ: Epic Games Store текинга тарқатган ўйинларнинг асл нархини биласизми?

Хабарларни тез ва осон ўқиш учун Андроид иловамизни сақлаб олинг.