2022 йил апрел ойига кўра энг кўп сотилган смартфонлар топ ўнталиги

2022 йил апрел ойига кўра энг кўп сотилган смартфонлар топ ўнталиги

Counterpoint Technology Market Research жорий йилнинг апрел ойига кўра дунё бўйлаб энг кўп сотилган смартфонлар топ ўнталигини эълон қилди. Уларнинг умумий бозордаги улуши эса 21 фоизни ташкил қилади.

Рўйхатда Apple компанияси ўзининг беш хил моделдаги iPhone'лари билан пешқадамлик қилмоқда. Купертинолик компания ўтган йили тақдим қилинган iPhone 13 флагмани умумий бозорнинг 5.5% улуши билан апрел ойида дунёдаги энг кўп сотилган смартфони бўлди. Ундан кейинги иккинчи ўринни худди шу моделнинг Pro Max варианти эгаллаган, унинг улуши эса 3.4 фоизни ташкил қилмоқда. Топ учлик ҳам яна бир ўн учинчи авлод айфони, iPhone 13 Pro билан якунланади.

Тўртинчи ўрин ҳам яна бир Apple смартфони томонидан эгалланган ва iPhone 12 моделидир. Шунингдек, йил бошида тақдим қилинган ўрта даражадаги Apple смартфони, iPhone SE ҳам энг кўп сотилган смартфонлар қаторида еттинчи ўринни банд қилган.

Samsung смартфонлари ҳам рўйхатнинг бир нечта ўринларини эгаллашга муваффақ бўлишган. Жанубий Корея компанияси йил бошида тақдим қилган Galaxy S22 флагманлари қаторидаги Ultra 5G модели жорий йилнинг апрел ойида энг кўп смартфонлар ичида бешинчи ўринни қўлга киритган. Ундан кейинги олтинчи, шу билан бирга, саккизинчи ўринлари компаниянинг бюджет смартфонлари, Galaxy А13 ва Galaxy А03 Core телефонлари 1.4% бозор улуши билан эгаллашган. Samsung Galaxy А53 5G ўрта даражадаги смартфони эса рўйхатнинг тўққизинчи ўрнини банд қилган.

Топ ўнталик хитойлик Redmi Note 11 LTE смартфони билан якунланади.

ЎҚИНГ: Nothing энг катта смартфон бозори ҳудудига кира олмайди

Сайт янгиликларидан доимий хабардор бўлиш учун Телеграм каналимизга қўшилинг!