64МП камерали Samsung Galaxy F42 5G тақдим қилинди

64МП камерали Samsung Galaxy F42 5G тақдим қилинди

Samsung ўзининг энг сўнгги ўрта тоифа смартфони Galaxy F42 5G'ни Ҳиндистон учун тақдим қилди. Смартфон яқинда Жанубий Корея учун чиқарилган Wide5 ёки глобал бозордаги Galaxy A22 смартфонларига ўхшаш.

ЎҚИНГ: Samsung Galaxy M52 5G тақдим қилинди

Galaxy A22 билан таққослаганда, F42 камераси кучлироқ. Смартфон корпуси ранги янгича тус касб этган ва камера модули дизайни бироз ўзгарган.

Galaxy F42 5G'га Full HD+ аниқликдаги 6.6” LCD панель ўрнатилган бўлиб, томчисимон тирқиш ичига 8МП селфи камера жойланган. Орқа панелда эса 64МП асосий, 5МП уктракенг ва 2МП сатҳ камераси бор.

Смартфон MediaTek Dimensity 700 чипида ишлаб, саккиз ядроли COU'га эга. Иккита қудратли ядролар частотаси 2.2GHz'гача чиқади.

Galaxy F42 5G Ҳиндистонда 6ГБ ёки 8ГБ тезкор, 128ГБ доимий хотирали талқинда сотилади. microSD карта слоти билан хотирани 1ТБгача кенгайтириш мумкин.

Афсуски, Galaxy F42 5G смартфони Galaxy A22 5G каби Mint, Violet ва White рангларида мавжуд бўлмайди. Қурилмани Флипкарт орқали Matte Aqua ёки Matte Black рангларидан бирида сотиб олиш мумкин.

Савдолар 2 октябрдан бошланади. Компания смартфон учун 282 ёки 310 доллар сўрамоқда.

ЎҚИНГ: Айни вақтда сотиб олиш мумкин бўлган энг яхши Galaxy смартфонлари

Сайтимизнинг энг чиройли расмларини Инстаграмдаги саҳифамизда томоша қилинг!