Афсонавий Paranoid прошивкаси тантанавор қайтди: ҳозироқ ўрнатиб олиш мумкин!

  •   DiMaX
  •  1473
  •  17.04.2020 11:00

Афсонавий Paranoid прошивкаси тантанавор қайтди: ҳозироқ ўрнатиб олиш мумкин!

Кастом прошивка ишқибозлари Paranoid Android ҳақида яхши билишади – бир замонлар у «яшил роботчали» смартфон ва планшетлар учун энг инновацион прошивкалардан бири бўлган. Унинг сўнгги релизи 2018 йили чиққан ва кейин лойиҳа тўхтатиб қўйилган эди.

ЎҚИНГ: «Жонли» видео: iPhone’ларга энди Android ўрнатиш мумкин!

Икки йил аввалги сўнгги релиз Paranoid Android 7.3.1 бўлиб, Android 7 Nougat операцион тизимига асосланган эди. Энди у Paranoid Android Quartz номи остида қайтди ва сўнгги – Android 10 операцион тизим талқини базасида ишлаб чиқилган.

Биринчи барқарор релиз – Paranoid Android Quartz 1 функциялари рўйхати анчагина кенгайтирилган, улар билан батафсил лойиҳанинг расмий сайтидаги хабарда (инглиз тилида) танишиб чиқиш мумкин. Қисқа қилиб айтадиган бўлсак, унда «деярли тоза» Android тизими ва жуда кўп миқдорда қўшимча имкониятлар мавжуд.

Жумладан, прошивкага биратўла сўнгги – апрелдаги Android хавфсизлик патчлари қўшилган; «ҳаво орқали» янгиланади; SafetyNet иловалар ҳимояси қўлланган; ҳаттоки Google сервислари ва иловалари, шу жумладан Google Play ҳам мавжуд. Қўшимча функциялардан Pocket Mode – «чўнтак» режими, навигация панелини созлаш имкони, экрандаги қўшимча ишораларни қўллаб-қувватлаши кабиларни санаб ўтса арзийди.

ЎҚИНГ: Дунёдаги энг кучли смартфон, процессор ва прошивкалар ТОП-ўнталиклари (Master Lu рейтинглари, 2020 йил 1-чорак)

Paranoid Android Quartz 1 прошивкасини ўрнатиб олиш мумкин бўлган смартфонлар рўйхати қуйида келтирилган:

  1. Asus Zenfone Pro Max M2
  2. Asus Zenfone Pro Max M1
  3. Essential Phone
  4. OnePlus 7 Pro
  5. OnePlus 6
  6. OnePlus 6T
  7. OnePlus 3 ва OnePlus 3T
  8. Xiaomi Redmi 5
  9. Xiaomi Mi 9
  10. Xiaomi Mi 6

Англаганингиздек, юқоридагилардан ҳар бирининг номига ўрнатилган ҳавола орқали айнан шу модел учун прошивкани юклаб олиш саҳифасига ўтилади.

ЎҚИНГ: Windows 10 тизимини смартфонга ўрнатиб, уни мобил компьютерга айлантиришди! («жонли» видео)

Шунингдек, дастурчилар яқин ҳафталарда яна мана бу қурилмалар учун ҳам Paranoid Android Quartz 1 прошивкаси тайёрланиб тарқатилишини айтишмоқда:

  1. OnePlus 5
  2. OnePlus 5T
  3. OnePlus 7
  4. OnePlus 7T
  5. OnePlus 7T Pro
  6. Sony Xperia XZ2,
  7. Sony Xperia XZ2 Compact
  8. Sony Xperia XZ3
  9. Xiaomi Mi 9T
  10. Xiaomi Mi 9T Pro
  11. Xiaomi Pocophone F1
  12. Xiaomi Redmi K20
  13. Xiaomi Redmi K20 Pro

Эслатиб ўтамиз: смартфонга норасмий прошивка ўрнатиш – бирмунча мураккаб иш бўлиб, агарда тажрибангиз бўлмаса, бу ишни устасига топширган маъқул.

ЎҚИНГ: Xiaomi ва Redmi смартфонларининг расмий прошивкалари «хазинаси»га марҳамат!

Сайт янгиликларидан доимий хабардор бўлиш учун Телеграм каналимизга қўшилинг!