Among Us ҳақида 10 та факт

Among Us ҳақида 10 та факт

Агар видео ўйинлар ўйнашга қизиқсангиз, Among Us («Орамизда») жумласи сизга таниш бўлиши аниқ. Ушбу ўйинни охирги бир неча ойдан бери ўйнаётган бўлишингиз эҳтимоли ҳам йўқ эмас.

Аммо интернет оламида шидат билан оммалашиб бораётган ушбу ўйин ҳақида нималарни биласиз? Қуйида Among Us'га доир 10 та факт билан сизни таништирамиз.

1. 2018 йилда яратилган ўйиннинг юклашлар сони аввалига жуда кам бўлган.

Among Us 2018 йили Innersloth томонидан яратилган. Ўйин концепцияси алдов ўйни бўлган Werewolf'ники билан бир хил.

Ўйин 10 тагача ўйинчини қабул қилиши мумкин. Воқеалар космосда содир бўлиб, 4–10 нафар ўйинчи жўнаб кетишга шайланаётган фазо кемаси экипаж аъзолари вазифасини бажаради. Тасодифий танланган баъзи ўйинчилар ўзга сайёралик қаллоб ролини бажаради. Бу қаллобларнинг вазифаси қўлга тушмасдан кема экипажи аъзоларини ўлдириш, уларни қотилликда айблаш, кемани яксон қилишдан иборат.

Энг кўп овоз тўплаган қаллоб, хоҳ айбсиз бўлсин, хоҳ айбдор, қувғин қилинади. Ўйиннинг расмий трейлери билан танишинг:

Тақдимотдан кейинги икки йилда ўйин унчалик ҳам оммалашмади. SensorTower маълумотларига кўра, ўйин аввалига минг мартадан ҳам кам юкланган.

2. Ўйинни уч кишидан иборат гуруҳ яратган.

Among Us Форест Уиллард, Эми Лю ва Маркус Бромандлар томонидан яратилган. Тақдимотчи компания Innersloth эса Вашингтонда жойлашган. Innersloth Among Us билан бир қаторда 2015 йилда Dig2China ва 2020 йилда Stickmin Collection каби ўйинларни ҳам чиқарган.

3. Ўйин 2020 йилда YouTube ва Twitch'даги геймерлар стриминг қилгани боис оммалашди.

Хўш, икки ёшлик ўйиннинг оммалашиб кетишига нима сабаб бўлди?

Бир неча ой олдин Twitch'даги стримерлар Sodapoppin ва Pewdiepie ўйинни тармоқда стриминг (трансляция) қилишган. Маълумот учун, Twitch геймерлар учун ўйинларни жонли стриминг қилиш платформаси ҳисобланади. Ушбу тармоқда Pewdiepie 1.2 миллион, Sodapoppin эса 2.8 миллион фолловерга эга.

Интернетда таниқли бўлган бошқа кўпчилик ҳам ушбу трендга қўшилди ва шундай қилиб Among Us машҳурликка эришди.

4. Ўйин 85 миллион мартадан ортиқ юклаб олинган.

Ўйин ҳақида кўпчилик хабар топиши билан, 2020 йилда Among Us'нинг юклашлар сони кескин ошди. SensorTower маълумотларига кўра, ўйин 85 миллион мартадан ортиқ юклаб олинган. Ўйиннинг оммалашуви, айниқса, август ва сентябрь ойларида кузатилган. Августга келиб июль ойига таққослаганда, юклашлар сони, 661% га ошиб, 18.4 миллионга етган. Сентябрда эса жами 41.9 миллион геймер Among Us'ни ўз қурилмасига ўрнатган.

Йил бошидаги юклашлар сони 1.1 миллионни ташкил қилган. Twitch'даги стримерлар сабаб Among Us мана шундай шуҳратга эришди.

5. Among Us шунчалар оммалашганки, ҳатто ўйинга атаб мем ва TikTok'лар яратилган.
  
Интернетда бирор-бир ўйин ҳақида мемлар тарқалса, демак, ўша ўйин оммалашган бўлади. Худди шундай, Among Us ҳақида ҳам мемлар талайгина топилади. Among Us қаҳрамонлари иштирокидаги мемлар жамоа бўлиб ҳаракатланишнинг аҳамиятидан тортиб, алдов мавзусигача кўламга эга. Ушбу мемлар кўплаб чат ва ижтимоий тармоқларда ишлатилинади.

TikTok олами ҳам Among Us мавзусидаги қисқа видеоларга тўла. Junkee'га кўра, #AmongUs ҳештеги остидаги видеолар аллақачон 6 миллиард мартадан кўп томоша қилинган. TikTok видеоларининг баъзиларида ўйиннинг ўзи акс эттирилса, бошқаларида қаллобларни тутиш йўллари кўрсатилади. Қуйида мана шундай TikTok видеоларининг баъзилари билан танишишингиз мумкин:

@shaindiamond

This makes me ✨mad✨ #amongus #amongustupid #amongusclip #amongusfunny #amongusimposter #amongusimpostor #amongusmeme #amongusgame #impostor

♬ original sound - Shain Diamond

6. Ўйинга алоқадор товарлар шунчалик машҳур бўлганки, улар бир неча ҳафта ичида тугаб кетган.

Ўйин оммалашиб бориши билан Innersloth компанияси ашаддий мухлислар учун ўзининг онлайн дўконида Among Us қаҳрамонлари тасвири туширилган футболкалар ҳамда ўйин қаҳрамонларининг юмшоқ ўйинчоқларини сотувга чиқарган. Олдиндан буюртмалар август ойида очилган ва бир неча ҳафта ичида барча товарлар сотиб бўлинган.

7. Ўйиннинг иккинчи қисми ҳам чиқиши керак эди, лекин бекор қилинган.

Худди фильмлар билан бўлгани каби, ўйин ўта оммалашса, унинг иккинчи қисми ҳам чиқарилади.

Innersloth'нинг айтишича, ўйиннинг сиквели — Among Us 2 чиқиши керак эди, аммо яқинда бу режадан воз кечилган. Сабаби, дастурчилар бор эътиборни оргинал Among Us'нинг контент ва функцияларини оширишга қарор қилган. Innersloth шундай изоҳ беради: «Among Us 2 учун режалаштирган барча контентимиз Among Us 1'да бўлади».

8. Ўйинни компьютерингизга атиги 5 доллар эвазига юклаб олишингиз мумкин.

Among Us'ни Google Play ва App Store'дан текинга юклаб олишингиз мумкин, бироқ дастурнинг десктоп версияси пуллик эканини биласизми? Among Us'ни Steam'дан атиги 5 доллар эвазига сотиб олиб, дўстларингиз билан компьютерда ўйнашингиз мумкин бўлади. Dot Esports маълумотларига кўра, Among Us айни дамда бозордаги энг оммабоп арзон ўйиндир.

9. Ўйинни хакерлар бузиб кирмоқда.

Ўсиб бораётган шуҳрати сабаб Among Us хакерларни ҳам ўзига қаратди. Screenrant маълумотларига кўра, хакерлар ўйин сессияларига бузиб кириб, ҳаракатларни тезлаштирган ва бутунбошли гуруҳларни тезда қириб ташлаган. Булар эса геймернинг ўйиндан оладиган завқини камайтиради. Innersloth дастурчилари айни дамда ушбу муаммо устида ишламоқда. Маълум бўлишича, модерация қилиш яхшиланиши учун ҳозирда аккаунт тизимини яратиш ишлари олиб борилмоқда. Бундан ташқари, компания серверларини такомиллаштириб, уларнинг бузиб кириш ҳолатларини аниқлаш ва блоклаш имкониятларини оширмоқда.

10. Ўйиндаги янгиликлардан бохабар қилиб борадиган блог мавжуд.

Among Us'нинг ашаддий ишқибозлари учун дастурчиларнинг шахсан ўзлари томонидан юритиб борилувчи блог бор; блогга ўтиш учун бу ерга босинг.

ЎҚИНГ: PubG ҳақида сиз билган ва билмаган фактлар

Хабарларни тез ва осон ўқиш учун Андроид иловамизни сақлаб олинг.