Android OS ширинлик номлари билан танишамиз
Google мобил қурилмалар учун ўзининг Android операцион тизимини чиқарар экан, илк Android версиясидан ташқари қолган барча асосий версияларнинг ички ишлаб чиқилишида турли хил ширинликлардан код номларини бериб келган. Иккинчи Android версиясини ҳисобга олинмаса, бугунги кунгача чиқарилган асосий Android версиялари учун десертлардан код номлари қўйиш алифбо тартибида давом этган ва бу анъана ҳали ҳам давом этади. Қуйида Android операцион тизимининг барча "ширин" номлари & код номлари билан танишишингиз мумкин:
Номи | Код номи | Версияси | Чиқарилган санаси |
Android 1.0 | Yo'q | 1.0 | 2008 |
Android 1.1 | Petit Four | 1.1 | 2009 |
Android Cupcake | Cupcake | 1.5 | 2009 |
Android Donut | Donut | 1.6 | 2009 |
Android Eclair | Eclair | 2.0 | 2009 |
Android Froyo | Froyo | 2.2 | 2010 |
Android Gingerbread | Gingerbread | 2.3 | 2010 |
Android Honeycomb | Honeycomb | 3.0 | 2011 |
Android Ice Cream Sandwich | Ice Cream Sandwich | 4.0 | 2011 |
Android Jelly Bean | Jelly Bean | 4.1 | 2012 |
Android KitKat | Key Lime Pie | 4.4 | 2013 |
Android Lollipop | Lemon Meringue Pie | 5.0 | 2014 |
Android Marshmallow | Macadamia Nut Cookie | 6.0 | 2015 |
Android Nougat | New York Cheesecake | 7.0 | 2016 |
Android Oreo | Oatmeal Cookie | 8.0 | 2017 |
Android Pie | Pistachio Ice Cream | 9 | 2018 |
Android 10 | Quince Tart | 10 | 2019 |
Android 11 | Red Velvet Cake | 11 | 2020 |
Android 12 | Snow Cone | 12 | 2021 |
Android 13 | Tiramisu | 13 | 2022 |
Android 14 | Upside Down Cake | (таҳминан) 14 | (таҳминан) 2023 |
Айрим манбаларга кўра, Android 1.0 версияси учун ширинлик номи берилмаган, лекин бошқалар бу версиянинг "Apple Pie" номи билан аталишини рад этишмайди.
Android 1.1 код номи ҳам бошқача, у алифбо тартибига риоя қилмайди. Аслида, Petit Four ширинлиги номи ҳам иккинчи Android версияси учун расман ишлатилмаган, аммо уни ишлаб чиқарилиши давомида шундай аташган. Бироқ, айрим маълумотларга кўра, 1.1 версия учун Banana Bread номи берилганлиги ҳам айтилади.
Шуни ҳам таъкидлаш керакки, баъзи манбалар Android 1.0 ва Android 1.1 версиялари учун "Astro Boy" ва "Bender" номлари берилган дейишади, чунки "android" сўзининг ўзи одамсимон робот маъносини англатади. Шунингдек, бу версиялар учун "Alpha" ва "Beta" номлари берилган дейдиганлар ҳам йўқ эмас, чунки бу номлар ҳам алифбо тартибига амал қилади.
Барчаси Android 1.5 версиясига келиб бошланади. Google ўзининг Android операцион тизими асосий версиялари учун ширинликлардан алифбо тартибида код номлари беришни бошлайди ва булар нафақат код номи, балки, Android версияларининг расмий номлари бўлиб ҳам хизмат қилади.
Android 4.4 (расмий номи Android KitKat) версиясига келиб, код номи ва версия номи учун алоҳида-алоҳида десерт номи бериш бошланган, лекин иккала номлар учун алифбо тартиби сақлаб қолинган. Масалан, Android KitKat учун "Key Lime Pie" код номи, Android Marshmallow учун "Masadamia Nut Cookie" код номи ва ҳоказо.
Android 10 га келиб, версия расмий номлари рақамлар билан номлана бошлайди. Маълум бўлишича, бунга таом номлари барча мамлакатларда бир хил маънони англатмаслиги, турли халқлар ва уларнинг тиллари, маданиятлари учун универсал тушинилмаслиги сабаб бўлган. Аммо, Google Android учун ички код номларини ширинликлар билан аташни тўхтатмаган ва гарчи Android ўнинчи версияси расман Android 10 дея номланган бўлса-да, "Quince Tart" пишириғи унинг учун код номи бўлган.
Ҳозирда Google учун атиги бешта: V, W, Х, Y, Z ҳарфлари қолган ва ундан кейин компания Android версияларини номлаш учун қайси йўлдан юриши номаълум.
ЎҚИНГ: Google Android 14 код номини эълон қилди!