Android учун 5 та энг яхши боулинг ўйни
Боулинг ажойиб хобби ва псевдоспорт тури ҳисобланади. Ўйинни ўрганиш осон, бироқ унда устасифарангга айланиш қийин. Боулинг туғилган кунни мароқли ўтказиш учун ҳам завқли танловлардан. Профессионал боулинг жуда қизғин тус олиши мумкин. Ваҳоланки, мобил қурилмалар учун боулинг ўйинлар сони кўп эмас. Мана шу кам сонли илова-ўйинлар орасидаги энг яхшилари билан қуйида танишамиз.
ЎҚИНГ: Android учун энг яхши 15 та фитнес илова
1. Bowling by Jason Belmonte
2. Bowling King
3. Galaxy Bowling 3D
4. PBA Bowling Challenge
5. Strike Master Bowling
Bowling by Jason Belmonte
Нархи: ўйнаш текин
Bowling by Jason Belmonte сифатли текин/премиум аркад боулинг ўйинларидан бири. Бу илованинг кўп жиҳати сизга ёқади. Ўйин юқори кадр янгиланиши, сифатли графика ва реалистик механикаларга эга. Ўйинни онлайн режимда бир неча бошқа геймерлар билан ўйнаш мумкин, RPG стилидаги прогрессия тизими бор ва боулинг шарини отишнинг бир неча усуллари мавжуд. Бироқ ўйин текин/премиум аралаш тизимга эга, яъни бошқа ўйинчилар билан рақобатлашиш учун пул тўлашингиз керак. Агар якка ўйнамоқчи бўлсангиз, бундай эмас. Бўш вақтингизни мароқли ўтказишингизга мазкур ўйин ёрдам беради.
Bowling King
Нархи: ўйнаш текин
Bowling King мобил қурилмалар учун энг оммабоп боулинг иловаси ҳисобланади. Илова 60 дан ортиқ шар, юзлаб йўлак темалари ва ранг-баранг графикага эга. Ўйин механикаси ва бошқарувлар ҳам жуда яхши. Иловада ўйинни бир неча ўйинчи билан онлайн ўйнаш, онлайн турнирларда қатнашиш, челленж режимида ўйнаш, мини ўйинларни ўйнаш ва ҳ.к. кабилар бор. Дастур ўндан ортиқ тилни қўллаб-қувватлайди. Компьютерда ўйнамоқчи бўлсангиз, ўйиннинг веб-версияси ҳам бор. Афсуски, Bowling King ҳам юқоридаги ўйин каби текин/премиум тоифага мансуб. Бироқ ўйиннинг бошқа барча жиҳати тақсинга лойиқ.
Galaxy Bowling 3D
Нархи: текин/4,99 долларгача
Galaxy Bowling 3D ўйнининг премиум версияси 2016 йилдан буён янгиланмаган бўлса-да, дастурнинг бепул талқини ҳали ҳам фаол равишда янгиланиб борилади. Мазкур ўйин билан боулингдан мароқ оласиз. Илова сифатли механикалар, осон бошқарув, ўртачадан юқори графика ва кўплаб бошқа хусусиятларга эга. 10 кегелли стандарт ўйинни ўйнашингиз ёки 100 кегелли челленжда ўзингизни синаб кўришингиз мумкин. Агар сизда Google Play Pass обунаси бўлса, ўйиннинг пуллик қисмларидан бепул фойдалана оласиз.
PBA Bowling Challenge
Нархи: ўйнаш текин
PBA Bowling Challenge ҳам сифатли аркад боулинг ўйинларидан. Иловада кўплаб кегел, йўлак ва шар темалари бор. Ўйин графикалари яхши, рақобатлашиш учун ҳақиқий PBA боулингчилар ҳор. Бу илова ҳам текин/премиум тоифага мансуб.
Strike Master Bowling
Нархи: текин/9,99 долларгача
Strike Master Bowling ранг-баранг графика, оддий бошқарув ва махсус созламаларга эга. Бир неча ўйинчили онлайн режим, челленжлар, турли турнирлар ва тўрт хил ўйин туридан завқланиш мумкин.
