Android учун Telegram X янгиланди, ўзгаришлар билан танишинг!
Дастлаб Apple қурилмалари учун Telegram X, кейинроқ эса Android-девайслар учун Challegram иловалари тақдим этилган эди. Куни кеча эса Challegram янгиланиб, номи ҳам «Telegram X»га ўзгарганидан хабарингиз бор.
ЎҚИНГ: Хушхабар: Android учун ҳам Telegram X тақдим этилди!
Буни қарангки, Telegram X’нинг ўзи каби, унинг ишлаб чиқувчилари ҳам тезкор экан – дарҳол илованинг янги талқинини тақдим этишди! Айни дамда мазкур мессенжернинг Android-клиенти 0.20.4.749 версиясигача янгиланган.
Telegram X’нинг мазкур талқинида қуйидаги ўзгаришлар амалга оширилган:
- Тўлиқ юкланиб улгурмаган аудиофайлларнинг ижро нуқтасини суриш (перемотка) яхшиланган.
- Жорий овозли хабарда ҳам перемотка қилиш мумкин.
- Овозли хабарларнинг тинглаш индикатори қўшилган.
- Чатдаги нарсаларни улашиш давомида қидирувда юз берадиган кутилмаган узилишлар бартараф этилган.
- Айрим сценарийларда лойиҳани сақлаш тўғриланган.
- Оригинал клиентдаги каби, emoji’ларни қидириш функцияси қўшилган: номини ёза бошлашингиз билан илова сизга вариантларни таклиф этади.
- Биринчи ишга тушириш жараёни яхшиланган.
- Кўплаб бошқа яхшилашлар амалга оширилган.
Ўзининг Android-гаджетида тезкор Telegram X мессенжерини синаб кўрмоқчи бўлганлар уни ўрнатиш учун, ўрнатганлар эса янгилаш учун мана бу ҳавола орқали Google Play каталогига ўтишлари мумкин.