Apple iPhone 7 Plus’ни очиб кўришди (Видео)

Apple iPhone 7 Plus’ни очиб кўришди (Видео)

Apple iPhone 7 ва iPhone 7 Plus тақдимотларидан аввалроқ Вьетнам технология ресурси Tinh te улар билан боғлиқ бир қатор маълумотларни тармоқда ошкор этган эди. Шундан кейин мазкур ресурсга бўлган эътибор шиддат билан кучайди.

Ресурс муаллифлари куни кеча жаҳонда илк маротаба iPhone 7 Plus’ни очиб кўриб, жараён видеосини YouTube-каналга жойлаштиришди. Аппарат ўз ўтмишдошларидан қўш камера, аудио слотнинг йўқлиги, янги шаклдаги антенналар билан ажралиб туради. Шунингдек, iPhone 7 Plus’нинг корпуси сув ва чангдан ҳимояланган, Home тугмаси такомиллашган, телефондаги стереодинамиклар кучайтирилган.

Видеода кўрсатилганидек, қурилмани очиш унчалик осон эмас. Дисплей қисми тўлиқ металл корпусга мустаҳкам жойлашган. Аппаратнинг асосий қисмини батарея эгаллаганини кўриш мумкин. Батареяни остида эса  Home тугмасига босилганда жавоб қайтаришга хизмат қиладиган иккинчи авлод Taptic Engine вибромотори жойланган.