Apple компанияси iPhone 13 сериясидаги смартфонларнинг қувватланиш тезлигини оширмоқчи

Apple компанияси iPhone 13 сериясидаги смартфонларнинг қувватланиш тезлигини оширмоқчи

Яқинда тарқалган миш-мишларга кўра, iPhone 13 сериясидаги смартфонларнинг қувватланиш тезлиги ошади. MyDrivers берган маълумотга кўра, Apple янги iPhone'ларнинг зарядлаш тезлигини 25 ваттга оширади.

ЎҚИНГ: Apple ўзининг арзончи iPhone'нининг янгиланган версиясини тақдим этишни режаламоқда

iPhone 12 линейкасидаги смартфонлар максимал 20 ваттда қувват олади. iPhone 13 сериясида эса бу кўрсаткич энди 25 ваттни ташкил қилади. Бироқ тўлиқ қувватланиш учун сарфланадиган вақт кескин даражада қисқармайди.

MyDrivers'нинг таъкидлашича, Apple 18 ваттлик қувватлагичларни сотувдан олиб ташлайди. 25 ваттлик қувватлагичнинг нархи эса ҳозирда 19.99 доллардан сотилётган 20 ваттлик қувватлагичлардан бироз қиммат бўлади.

Янги iPhone эгалари 25 ваттлик қувватлагичдан фойдаланишлари учун уни алоҳида сотиб олишлари керак бўлади. Чунки қурилмалар қутисидан қувватлагич адаптери ўрин олмаган.

Apple янги iPhone'ларни сентябрь ойида тақдим этиши кутилмоқда. Янги iPhone'лар Always On Display функцияси, iPhone 13 Pro ҳамда Pro Max эса 1ТБ доимий хотирага эга бўлади.

Шунингдек, янги қурилмаларни MagSafe орқали қувватлаш тезлиги ҳам ошади.

ЎҚИНГ: Apple янги iPhone 13 сериясига Android тизимида оммалашган функцияни қўшмоқчи

Сайтимизнинг энг чиройли расмларини Инстаграмдаги саҳифамизда томоша қилинг!