Apple компанияси яна жаримага тортилди

Apple компанияси яна жаримага тортилди

Сентябрь ойида Бразилия Адлия вазирлиги Apple компаниясига агар iPhone'лар қутисида қувватлаш адаптери бўлмаса, уларни сотишни тўхтатишни буюрган ҳамда 12.275 миллион Бразилия реали миқдорида (2.34 миллион доллар) жаримага тортган эди. 

Энди Купертинолик компания яна шунга ўхшаш сабаб билан жаримага тортилиди. Бу сафар жаримани Сан Паулу фуқорлик суди тайинлади. Бразилия истеъмолчилар ташкилотининг даъво қилишича, маҳсулот ишлаши учун иккинчи харидни амалга ошириш зарур бўлади. Шунинг учун Apple компанияси 100 миллион реал (тахминан 19 миллион доллар) товон тўлаши керак. 

Судья Карамуру Афонсо Франсисконинг гапларига кўра, Apple Бразилияда охирги икки йилда iPhone 12 ва iPhone 13 моделларини сотиб олган харидорлани қувватлагичлар билан таъминлаши шарт. Шунингдек, компания келажакда сотиладиган қурилмаларини қувватлагич билан бирга сотишига тўғри келади. Ҳозирда қарор якуний эмас, унинг устидан апелляция бериш мумкин.

Apple ўз смартфонларини қувватлаш адаптерисиз жўнатётганига экологияни сабаб қилиб кўрсатмоқда. Бу 2020 йилдан бери компания учун анъанага айланган. Кейинчалик бошқа компаниялар ҳам Apple ортидан эргашишиб, ўз смартфонларини қувватлагичсиз сотишмоқда. Бу айниқса премиум сегментидаги смартфонларда кузатилмоқда. 

ЎҚИНГ: Экология бўйича энг яхши ва ёмон смартфон ишлаб чиқарувчилари рейтингги эълон қилинди 

Хабарларни тез ва осон ўқиш учун Андроид иловамизни сақлаб олинг.