Apple ўз смартфонларига янги прошивка тарқатмоқда

Дастурий таъминотдаги айрим муаммоларни бартараф этувчи янги прошивка iPhone'лар учун тайёр. Фойдаланувчилар янги iOS 16.0.3 тизимини юклаб олишлари мумкин.

Янгиланиш ҳажми тахминан 1ГБ бўлиб, у iPhone 14 моделларининг фойдаланувчилари дуч келиши мумкин бўлган бир нечта хатоларни тўгирлайди, шунингдек, Mail иловасидаги хатолик ҳам тузатилади.

• iPhone 14 Pro ҳамда 14 Pro Max моделларида кирувчи қўнғироқ ҳамда билдиришномалар кеч ёки умуман келмаяпти.

• Баъзи iPhone 14 моделларда Apple CarPlay орқали қўнғироқ қилинганда микрофон орқали овоз жуда паст бормоқда. 

• iPhone 14 Pro ва 14 Pro Max моделларида камера иловаси секин очилмоқда, шунингдек, бир камера режимидан иккинчи камера режимига ўтишда ҳам смартфон секин ишламоқда. 

• Mail иловасининг ишлашида ҳам муаммолар кузатилмоқда. 

Юқоридаги хатоликлар iOS 16.0.3 тизими ўрнатилиши билан йўқ бўлади.

ЎҚИНГ: Дунё миқёсида компьютерга бўлган талаб тушиб кетмоқда