Apple тенгдир Apple'га (2): iPhone 14 Pro Мах таннархи сотувдаги нархнинг ярмидан ҳам кам

Apple тенгдир Apple'га (2): iPhone 14 Pro Мах таннархи сотувдаги нархнинг ярмидан ҳам кам

Apple компанияси ўтган йил сентабрида ўзининг янги авлод флагманлари, iPhone 14 сериясидаги смартфонларини тақдим қилган эди. Қатордаги энг юқори модел iPhone 14 Pro Мах бўлиб, унинг базовий 128 ГБ хотира вариантлиси учун нарх 1099 доллардан бошланади. Бироқ, асли смартфонни ишлаб чиқариш учун сарфланган маблағ ушбу нархнинг ярмига ҳам тенг эмас.

Counterpont Research  берган маълумотларга кўра, 128 ГБ хотирали iPhone 14 Pro Мах (mmWave) смартфонини ишлаб чиқариш Appleъга 474 долларга тушади. Худди шундай хотира билан келадиган, лекин 6 гигагерцдан паст вариантли модел таннархи эса 454 долларни ташкил қилади. Буларнинг икковини бирлаштирган ҳолда iPhone 14 Pro Мах смартфонларини ишлаб чиқариш Apple'га ўртача 464 доллардан тушишини таҳмин қилиш мумкин. Бу ўтган йилги iPhone 13 Pro Мах ўртача таннархидан 3.7% га қиммат бўлиб, бунда асосан процессор, дисплей ва камера нархлари ошган.

Таъкидлаш жоизки, Apple'нинг iPhone 14 Pro Мах смартфонига ўрнатилган А16 чипсети 16 миллиард танзисторларни ўз ичига олади ва бу аввалги А15 чипига қараганда 6.7% га кўп ҳисобланади. Ушбу 4 нанометрли чипнинг ўзи смартфон нархининг 11% ошишига сабаб бўлади ва таннархда 20% улушни эгаллайди.

iPhone 14 Pro моделлари Apple смартфонлари тарихида илк бор Always-On хусусиятига эга дисплей билан жиҳозланган. Samsung томонидан таъминланган дисплей билан iPhone 14 Pro Мах DxOMark'да энг яхши дисплейга эга смартфон деб топилган. Албатта, бундай яхшиланишлар нарх ошишига сабаб бўлмай қолмайди. Смартфон дисплейи унинг таннархида 20 фоизни банд қилади.

iPhone 14 Pro Мах 48 мегапикселли асосий камерага эга бўлиб, унинг сенсор майдони iPhone 13 Pro Мах'дагидан 65 фоизга каттароқдир. Асосий камеранинг сенсорли силжиш стабилизацияси ҳам iPhone 14 Pro Мах'да янги босқичга чиқарилган. Шу ва бошқа яхшиланишлар билан смартфон камера категорияси 6.30 долларга қимматлашган.

ЎҚИНГ: Huawei ҳам ўзининг янги смартфонини "динамик орол" билан чиқаради

Сайт янгиликларидан доимий хабардор бўлиш учун Телеграм каналимизга қўшилинг!