Apple тез кунда ўзининг виртуал реаллик қурилмасини тақдим қилиши мумкин!

Apple тез кунда ўзининг виртуал реаллик қурилмасини тақдим қилиши мумкин!

Apple бир ҳафтадан сўнг ўзининг WWDC 2022 тақдимотини ўтказишни режалаштирган ва биз унда компаниянинг мутлақо янги AR/VR қурилмасининг тақдимотига гувоҳ бўлишимиз мумкин. Сўнгги янгиликларга кўра, купертинолик компания ушбу виртуал реаллик маҳсулотларида ишлайдиган "RealityOS" операцион тизими учун икки товар белгисини рўйхатдан ўтказган.

Маълум бўлишича, "кийиладиган компютер қурилмаси" учун берилган ариза (1, 2) Паркер Ортолани томонидан пайқаб қолинган ва у 2021 йилнинг 8 декабрида Realityo Systems компанияси орқали рўйхатдан ўтказилган. "RealityOS" номи жорий йилнинг январ ойидан бошлаб Apple'нинг дастурлари учун код манбаларида пайдо бўлган эди ва қайсидир номаълум компаниянинг ушбу ном билан товар белгисини рўйхатдан ўтказиши тасодиф эмасга ўхшайди.

Realityo Systems компанияси Apple одатда ўз сирларини яшириш учун фойдаланадиган компаниялардан бири эканлигининг эҳтимоли катта, чунки у Apple харидорлик қиладиган Corporation Trust Center номли ҳақиқий компания томонидан рўйхатдан ўтган. Таъкидлаш жоизки, "RealityOS" савдо белгиси учун USPTO (АҚШ патент ва товар белгиси маркази) билан "халқаро ариза бериш"нинг охирги муддат сифатида 2022 йил 8 июн белгиланган. Бу эса WWDC 2022 тадбиридан икки кун кейинги сана бўлиб, Apple одатда ўзининг тақдим қилинган маҳсулотлари савдо белгиларини улар чиқарилганидан бир неча кун ўтиб ўзига ўтказиб олади. Шунингдек, "RealityOS" аризаларида "фойдаланиш исботи"нинг мавжуд эмаслиги унинг чиқарилмаган маҳсулот билан боғлиқлигини тасдиқлайди.

Миш-мишларга кўра, бўлажак Apple AR/VR қурилмасининг нархи $3,000 бўлиши мумкин.

ЎҚИНГ: iPhone 14 қаторидаги моделларнинг бири бироз кечикиб чиқарилиши мумкин

Terabayt.uz сайтининг видеолари: Youtube'даги каналимизда!