Apple'нинг чораклик даромади маълум қилинди
Буни компаниянинг пайшанба куни ўз сайтида чоп этилган баёнотлари тасдиқламоқда.
25 сентябрда якунланган уч ойлик ҳисобот даврида Apple'нинг даромади 83,4 миллиард долларни ташкил этди. 2020 йилнинг шу даврида бу кўрсаткич 64,7 миллиард долларга яқинлашди. Ўтган чоракда компаниянинг соф фойдаси 20,5 миллиард АҚШ долларини ташкил этди. Ўтган йилнинг шу даврига нисбатан 12,6 миллард доллар кўп.
Компанияда 25 сентябрда ҳам якунланган молиявий йил якунларига кўра, Apple даромади ўтган йилги 274,5 миллиард долларга нисбатан 365,8 миллиард долларни ташкил қилган. Молиявий йил давомида соф фойда 94,6 миллиард долларни ташкил этган бўлса, бир йил аввал бу кўрсаткич бўйича маълумотлар 57,4 миллиард долларни ташкил қилган эди.
Компаниянинг асосий маҳсулоти iPhone бўлиб қолмоқда, бу смартфонларнинг бутун дунё бўйлаб сотувидан тушган даромад чоракда 38,8 миллиард долларни, молиявий йилда эса 191,9 миллиард долларни ташкил этди.
