Call of Duty: Warzone Mobile қачон чиқарилиши расман маълум қилинди
Бўлиб ўтган Call of Duty: Next тақдимотида Activision бўлажак Call of Duty ўйинлари ҳақида қўшимча маълумотларни улашди. Булар Call of Duty: Modern Warfare II, Warzone 2.0 ва Warzone Mobile ўйинларини ўз ичига олади.
Энг биринчи компютер ва бошқа консоллар учун октабр ойининг 28 санасида чиқарилиши кутилаётган Call of Duty: Modern Warfare II ҳақида гапирадиган бўлсак, ўйин Call of Duty учун янги даврни бошлаб беради. Тадбир давомида ўйиннинг мултиплеери ҳақида бироз қўшимча маълумотлар улашилиди. Ўзгаришларнинг энг эътиборлиси, энди ўйинни 3 га 3 тарзда ўйнаш мумкин бўлади.
Call of Duty: Warzone бепул онлайн шутерининг янги, Warzone 2.0 версияси ҳам 16 ноябрдан консоллар ва компютерлар учун чиқарилиши эълон қилинди. Маълум бўлишича, унда харита Ал-Мазра деб номланган чўлда жойлашган бўлади ва ўйинга сунъий интеллектга асосланган рақиблар мавжуд. Ўйин COD: MW II двигателига асосланган ҳолда яратилган.
Шунингдек, Activision расман Call of Duty: Warzone Mobile мобил ўйини Android ва iOS қурилмалари учун 2023 йилда чиқарилишини маълум қилди (аниқ санаси ҳозирча номаълум). Ўйин учун Android қурилмаларда олдиндан рўйхатдан ўтиш бошланган. Қироллик-жангги жанридаги ўйинни 120 тагача бўлган ўйинчилар реал вақтда ўйнашлари мумкин. Гарчи ўйин ўйнаш учун бепул бўлса ҳам, унда Battle Pass пуллик обуналари мавжуд бўлади. Қолаверса, ўйинда мобил қурилмаларга хос тадбирлар, плейлистлар ва контентлар бўлиши айтилмоқда.
