CES 2016: HDTV телевизорлар янада улкан

CES 2016: HDTV телевизорлар янада улкан

1967 йилдан бошлаб ҳар йилнинг январь ойида АҚШнинг Лас-Вегас шаҳрида бўлиб ўтадиган Халқаро электроника истеъмолчилари кўргазмаси жорий йилда 6-9 январь кунлари ташкил этилди.

Кўргазма доирасида намойиш этилган HDTV технологияларга бўлган қизиқиш одатдагидан ҳам салмоқлироқ бўлди.

Кўргазмада юқори сифатли тасвирни кўрсатиш имконига эга телевизорлар бир қанча ишлаб чиқарувчилар, жумладан Samsung томонидан ҳам тақдим қилинди. Компания томонидан ишлаб чиқарилган мазкур турдаги энг катта экран ҳажми 170 дюйм (дюйм = 25,5 мм)ни ташкил этмоқда. Лекин бу турдаги HDTV телевизорлари ҳали сотувга чиқарилганича йўқ.

Аксарият ишлаб чиқарувчилар кўргазмада 78 дюймли HDTV телевизорлари билан қатнашдилар.

Намойиш этилган телевизорларнинг аксариятини LED-backlit LCD технологияси асосида ишлаб чиқарилган қурилмалар ташкил этди. Буни бугунги кунда мазкур турдаги телевизорларга ошиб бораётган эҳтиёж билан боғлаш мумкин. OLED технологиясига асосланган экранли телевизор LG томонидан намойиш қилинди. Hisense компанияси эса тадбирга лазерли технологияга асосланган Laser Cast screen телевизорлари билан ташриф буюрди. 120 дюймли телевизор экранининг проектори ультра қисқаликдан туриб лазерь нурини тарқатади.

Мазкур HDTV қурилмалар юқори аниқликка эга тасвирни узатади. Улардан баъзилари эса 8K технологияли мониторга эга. 1080p форматидан 16 баробар каттароқ бўлган ҳажмда тасвирни кўрсатувчи бу телевизорларни оммавий ишлаб чиқариш ҳозирча режада бор, холос. Боиси намойиш қилинган бу турдаги технологиялар ҳали такомиллашмаган.

Terabayt.uz сайтининг видеолари: Youtube'даги каналимизда!