Дарҳол Apple қурилмаларингиз дастурий таъминотини янгиланг!

Дарҳол Apple қурилмаларингиз дастурий таъминотини янгиланг!

Apple ўзининг iPhone, iPad ва Маc қурилмалари учун iOS/iPadOS 15.6.1 ва macOS 12.5.1 шошилинч хавфсизлик янгиланишларини чиқарди. Маълум бўлишича, ушбу янгиланишлар тизим ядроси (деҳқончасига айтганда, қурилмангиздаги ҳамма нарсани бошқарадиган ядро) ва WebKit'даги хакерларга қурилмангизда зарарли дастурни ишга туширишга имкон берадиган баъзи хавфсизлик хатоларини тузатади.

Таъкидлаш жоизки, бу iOS 15 чиқарилганидан кейин, унинг хавфсизлик камчиликларини тўғрилаш учун чиқарилган ўн учинчи янгиланиш бўлиб, уларнинг тўққизтаси ўзбошимчалик билан кодни бажариш хатосини тузаца, бештаси "Apple ушбу муаммодан фаол фойдаланилганлиги ҳақидаги ҳисоботдан хабардор", яъни "хакер ёки хакерлар ушбу хатоликдан фойдаланиб қолган" деган маънодаги хабарни ўз ичига олади. 

Гарчи бу ишни аввал кўп марта қилган бўлсангиз ҳам, яна бир бор эслатмоқчимизки, янгиланишни смартфонингизда Созламалар > Умумий > Дастурий таъминот Янгиланиши, компютерда эса Тизим созламалари > Дастурий таъминот Янгиланиши'га ўтиб қабул қилишингиз керак. Янгиланиш iPhone 6S ва ундан юқори моделлар, iPad Pro барча моделлари, iPad Air 2 ва ундан юқори моделлар, бешинчи авлод iPad ва ундан юқори моделлар, iPad Mini 4 ва ундан юқори моделлар ва еттинчи авлод iPod Touch учун чиқарилган.

Айтиш керакки, бу iOS 15 учун сўнгги янгиланиш бўлиши мумкин, чунки Apple кейинги ойда iOS 16 ни чиқариши кутилмоқда.

ЎҚИНГ: Иккита оммабоп Galaxy смартфонига хавфсизлик янгиланиши жўнатилмоқда

Сайт янгиликларидан доимий хабардор бўлиш учун Телеграм каналимизга қўшилинг!