Эгасини рози қилган топ 10 Android смартфонлари

Эгасини рози қилган топ 10 Android смартфонлари

AnTuTu бенчмарки жамоаси фойдаланувчиларнинг қониқиш даражаси энг юқори бўлган Android смартфонларининг апрел ойидаги рейтингини эълон қилди.

2022 йил апрел ойига кўра эгасини рози қилган топ 10 смартфонлар рўйхати
Муаллиф: AnTuTu
Galaxy Note20 Ultra
Муаллиф: Samsung

Унга кўра, Samsung компаниясининг икки йил аввал чиқарилган Galaxy Note20 Ultra смартфони 97.19% позитив фикрлар билан энг қониқарли бўлган. Snapdragon 865 Plus чипида ишлайдиган ушбу смартфон кучли ва кенг қамровли конфигурацияси билан силлиқ ишлайдига ва шу сабаб уни энг юқори кўриш ажабланарли эмас. Компаниянинг Note сериясидаги сўнгги авлод смартфони бўлган бу қурилма ўзининг қаттиқ танаси ва чиройли дизайни билан ҳам кўпчиликка манзур бўлган.

Mi 12Х
Муаллиф: Xiaomi

Рўйхатдаги иккинчи ўринни Xiaomi ўтган йилнинг сўнгги кунларида тақдим қилган Mi 12Х смартфони эгаллаган. Ўзининг кичик ва ихчам танаси, шу билан бирга бир қўл билан бошқариш мумкинлиги билан кўпчиликда қониқиш уйғотган бу қурилмага Snapdragon 870 чипи ўрнатилган эди.

Redmi Note 11 Pro+
Муаллиф: Xiaomi

Топ учликни Xiaomi'нинг яна бир Redmi бренди остидаги Redmi Note 11 Pro+ смартфони ёпади. Қурилманинг энг устун томони унинг 120W тезликда, атиги 15 дақиқа ичида 100% қувватлана олишидир, шу билан бирга у юқори техник хусусиятларга эга бўлишига қарамай чўнтакбоп нархда сотувга чиқарилган.

Юқоридаги смартфонлардан кейинги рўйхат давоми қуйидагича:

4. Samsung Galaxy S21 Ultra 5G - 93.1%
5. Huawei P50 Pro - 92.8%
6. Samsung Galaxy S22 Ultra 5G - 92.42%
7. Honor Magic3 Pro - 92.06%
8. realme GT - 91.59 %
9. Honor Magic3 Premium Edition - 91.49 %
10. Honor 60 Pro - 90%

ЎҚИНГ: Poco M4 5G тақдим этилди

Terabayt.uz сайтининг видеолари: Youtube'даги каналимизда!