Экспертлар: «Ушбу 21 та оммабоп ўйинни смартфондан тезда ўчириб қутулинг!»

Ахборот хавфсизлиги соҳасидаги таниқли Avast компанияси бир нечта мобил ўйиннинг яширин хавфини аниқлади. Мутахассислар бу ҳақда аллақачон Google’га хабар беришган ва қидирув гиганти улар устида текширув ишлари олиб бормоқда. Ҳозир улардан айримлари Google Play’дан олиб ташланган ва 19 таси қолган.

ЎҚИНГ: Google Chrome’да жонга тегувчи билдиришномаларни буткул ўчириб қўямиз

Мутахассислар маълум қилишларича, бу ўйинларнинг барида HiddenAds туркумига мансуб троян мавжуд. Бу турдаги зиёнкор кодлар хавфсиздек ниқобланиб олади, лекин уларнинг мақсади – жонга тегувчи рекламаларни кўп миқдорда, шу жумладан иловадан ташқарида ҳам кўрсатишдир.

Хабарга кўра, ушбу иловалар Google Play каталогидан 8 миллион мартадан ошиқ юклаб олинган. У ерда фойдаланувчилар ёзган тақризларга қаргнда, мазкур ўйинларни ўрнатгач, уларнинг смартфонлари рекламага тўлиб кетган.

Реклама кўрсатувчи кодга эга ўйинлар рўйхати эса қуйидагича:

1. Shoot Them
2. Crush Car
3. Rolling Scroll
4. Helicopter Attack - New
5. Assassin Legend - 2020 New
6. Helicopter Shoot
7. Rugby Pass
8. Flying Skateboard
9. Iron it
10. Shooting Run
11. Plant Monster
12. Find Hidden
13. Find 5 Differences - 2020 New
14. Rotate Shape
15. Jump Jump
16. Find the Differences - Puzzle Game
17. Sway Man
18. Desert Against
19. Money Destroyer
20. Cream Trip - New
21. Props Rescue

Демак, агар смартфонингизда мана шу ўйинлардан бирортаси бўлса, уни тезроқ ўчириб, рекламадан қутулганингиз маъқул.

ЎҚИНГ: Смартфонлар экрани ўртасида чиқиб қоладиган бегона рекламаларни ўчириш усули