Энди Microsoft етакчи! Компания капитализацияси 1 триллион доллардан ошди

Энди Microsoft етакчи! Компания капитализацияси 1 триллион доллардан ошди

Ўтган йилнинг ёзида Apple компанияси дунёда биринчи бўлиб 1 триллион доллар бозор капитализацияси кўрсаткичини забт этганди. Тўғри, кейинчалик компания капитализацияси пасайиб кетиб, бозорнинг бошқа йирик ўйинчилари уни қувиб ўтди. Аммо сўнги ҳолатда бозорнинг тўрт етакчиси – Apple, Microsoft, Amazon, Alphabet капитализацияси 900 миллиард доллардан камайиб кетди.

Айни дамда триллион пойгасининг янги босқичи бошланган. Ушбу пойгада Microsoft ғолиб бўлди. Компания сезиларли равишда дараомадлари ошганлиги ҳақидаги молиявий ҳисоботларни эълон қилганидан сўнг, акциялари нархи сезиларли равишда ўсишга эришди.

Компания нархи, акциялари 125 доллар курсида бўлган вақтда 960 миллиард долларни ташкил қилди. Ҳозир қимматли қоғозлар 129-130 долларни ташкил қилиб, Microsoft капитализацияси 1 триллион доллардан ошиб кетди. Бу кўрсаткич компаниянинг Apple ва Amazon’дан кейин учинчи бўлиб триллионлик довондан ошиб ўтишига сабаб бўлди. Қолаверса, ҳозирда айнан Microsoft бозорда энг кўп капитализацияга эга бўлиб турибди.