Энди смартфонларни ҳам криптовалюта билан сотиб олиш мумкин
Хитойнинг Nubia Technology компанияси RedMagic суб-бренди ўтган ойда ўзининг RedMagic 7 смартфонини тақдим қилган эди. Компания айнан шу смартфони ва ундан кейинги янги смартфонларини сотишда 10 мартдан бошлаб криптовалюталарни ҳам қабул қилишини эълон қилди.
"Криптовалюта, NFT ва метаоламга бўлган қизиқиш ортиб бораётганлиги сабабли, 10 мартдан бошлаб биз расмий сайтларимиз – redmagic.gg – етакчи блокчейн билан таъминланган тўлов экотизими Utrust билан биргаликда криптовалютадан тўлов усули сифатида фойдаланишга рухсат берамиз."
RedMagic смартфони учун буюртма берар экансиз тўлов имкониятлари орасида Utrust плагинини топасиз ва уни танлаганингиздан кейин сиз еттита криповалютадан бирини танлашингиз мумкин бўлади.
-
Bitcoin (БТC)
-
Ethereum (ЭТҲ)
-
USD Coin (УСДC)
-
Utrust (УТК)
-
Dash (ДАШ)
-
Tether (УСДТ)
-
Elrond eGold (ЭГЛД)
Пул ўтказмаси юборилгандан сўнг, буюртма қисқа вақт ичида тасдиқланади. Ортиқча тўлов амалга оширилган тақдирда, Utrust платформаси уни электрон почта орқали автоматик равишда қайтаради.
Шундай қилиб, криптовалюталарни қўллаб-қувватлашни жорий этиш орқали бренд ўз фойдаланувчиларига максимал тўлов эркинлигини таклиф қилмоқчи. Ҳар бир инсон сайтда тўлаш учун энг қулай деб ҳисоблаган усулни танлаши мумкин, бу эса ўйин дунёсини Web 3.0 билан бевосита алоқасини яхшилайди.
