Энг кучли Android смартфонлар рейтинги (AnTuTu)
AnTuTu бенчмарки декабрь ойи учун энг кучли Android смартфонлар рейтингини эълон қилди. Мана учинчи ойдирки Xiaomi Black Shark 4S Pro етакчиликни ҳеч қайси смартфонга бермаяпти.
Ушбу ўйинбоп флагман смартфон октябрь ойида тақдим этилган бўлиб, у Snapdragon 888+ чипи ва 16ГБ тезкор хотира билан жиҳозланган.
AnTuTu, шунингдек, ўрта тоифадаги энг кучли смартфонлар рейтингини тақдим этди. Бу ерда рақобат флагман смартфонларга қараганда анча юқори. Декабрь ойига келиб, iQOO Z5 смартфони рейтингда етакчи бўлиб олди.
Флагманлар рейтингида Snapdragon 8 Gen1 чипида ишловчи ҳеч қандай смартфон йўқ. Ушбу чипга эга бўлган смартфонлари ҳали бенчмаркдан тўлиқ тестдан ўтмаган.
Келаси ойда Moto Edge X30 ва Xiaomi 12 Pro қурилмалари катта эҳтимол билан рейтингнинг юқори поғонларидан ўрин эгаллайди.
Янги Oppo Find N букламафони флагманлар рейтингида бешинчи ўринни эгаллади. Чунки ушбу қурилманинг GPU оптималлашуви ҳамда совутиш тизими жуда яхши ишлайди.
Ўрта тоифадаги смартфонлар рейтингидаги саккизта қурилма Snapdragon 778G чипи билан жиҳозланганлигини кўришимиз мумкин.
Honor 60 Pro қурилмаси Snapdragon 778G+ чипга эга бўлса ҳам, Snapdragon 778G чипи билан жиҳозланган iQOO Z5'дан камроқ балл тўплаган. Бунга сабаб қилиб Z5 қурилмасига UFS 3.1 хотира тезлатгичи ўрнатилганлигини кўрсатиш мумкин.
