Энг кучли Android смартфонлар рейтинги (AnTuTu)

Энг кучли Android смартфонлар рейтинги (AnTuTu)

GeekBench'даги дастлабки синов натижалари MediaTek Dimensity 9000 чипи Qualcomm Snapdragon 8 Gen1'дан ўзиб кетиши мумкинлигини кўрсатди, бироқ март ойидаги AnTuTu рўйхатидан маълум бўлишича, Qualcomm яна жадвалда устунлик қилмоқда. 

Ўнта қурилмадан саккизтаси Qualcomm'нинг сўнгги флагман чипи билан жиҳозланган. MediaTek бу йил сезиларли ютуқларга эришди, аслида биринчи марта рейтингда тўртинчи ўринни эгаллади. 

Red Magic 7 смартфони 1 миллиондан ортиқ балл билан биринчи ўринни эгаллаган бўлса, кучли учликка IQOO 9 cерияси якун ясаб берди. Тўртинчи ўринни Dimensity 9000 чипида ишловчи Redmi K50 Pro эгаллади. Қурилма бир миллиондан бироз камроқ балл тўплаган. Олтинчи ўринни худди шу Mediatek платформаси билан жиҳозланган Oppo Find X5 Pro смартфони эгаллади. 

Dimensity 9000 ва Snapdragon 8 Gen1 чипларидан бошқа ҳеч бир платформа топ 10 таликка кира олмади. Exynos 2200 чипи билан жиҳозланган Samsung Galaxy S22 Ultra февраль ойидаги рўйхатда пайдо бўлди, бироқ бу ҳолат узоқ давом этмади. 

Сўнгги икки йил ичида MediaTek биринчи навбатда бюджет ва ўрта диапазонли қурилмалар бозорига эътибор қаратди, у ерда тезлик билан бозор улушининг катта қисмини қўлга киритди ва кейин флагман сегментига ўтди. 

Dimensity 9000 чипи 4 нанометрлик жараён асосида яратилган бўлиб, у битта Cortex-X2, учта Cortex-A710 ва тўртта Cortex-A510 ядроларини ўз ичига олади.

ЎҚИНГ: Ўзбекистонда қайси мобил ўйинлар трендда? 

Terabayt.uz сайтининг видеолари: Youtube'даги каналимизда!