Энг кучли флагман Android смартфонлар рейтингида янги қирол! (AnTuTu)

Энг кучли флагман Android смартфонлар рейтингида янги қирол! (AnTuTu)

Машҳур AnTuTu бенчмарки халқаро бозордаги энг кучли Android смартфонларнинг янги рейтингини эълон қилди. Бу фақат Хитой бозоридаги энг кучли смартфонлардан тузилган рейтингдан кескин фарқ қилади. 

Январь ойи учун тузиб чиқилган рейтингда етакчи ўзгарди. Snapdragon 8 Gen1 чипи билан жиҳозланган Xiaomi 12 Pro биринчи ўринга чиқиб олди. У умумий тест жараёнларида 979 499 баллни қўлга киритди. Ўтган ойда етакчи бўлган Nubia Red Magic 6 иккинчи ўринга тушиб қолди. Ушбу модель 858 275 балл тўплай олган. 

835 786 баллни қўлга киритган Asus ROG Phone 5s Pro кучли учликни якунлаб берди. Қизиғи шундаки, ROG Phone 5s Pro модели Snapdragon 888+ чипи билан жиҳозланган рейтингдаги ягона смартфон. Қолган қурилмалар (Xiaomi 12 Pro'дан ташқари) Snapdragon 888 чипида ишлайди. 

Топ ўнталикдан мос равишда Red Magic 6 R, realme GT, Asus ROG Phone 5, iQOO 7, OnePlus 9 Pro, Galaxy S21 Ultra 5G ва OnePlus 9 смартфонлари ўрин олган. 

Жадвал 2022 йил 1 январдан 31 январгача бўлган статистикадан келиб чиқиб тузиб чиқилган. AnTuTu рейтингида энг юқори балл эмас, балки ўртача кўрсаткичлар ҳисобга олинади. Ҳар бир смартфон учун камида 1000 та тест ўтказилади ва умумий натижа ҳисобга олинади. Камроқ тестдан ўтган смартфонлар рейтингга киритилмайди. 

ЎҚИНГ: Энг кучли Apple қурилмалари рейтинги (AnTuTu) 

Хабарларни тез ва осон ўқиш учун Андроид иловамизни сақлаб олинг.