Энг машҳур кибер спорт ўйинлари билан танишамиз

Hasanboy
4648
15.04.2022 14:03

Йилдан-йилга видео ўйинларга бўлган талаб ошиб бориб, кўплаб ўйинлар виртуал оламда ўз ўрнини топиб бормоқда. Видео ўйинлар тармоғи ҳозирда кино ва мусиқа соҳалариданда кўп маблағ келтирмоқда. Кўпчилик учун ўйин ўйнаш шунчаки ҳобби эмас, балки касбга айланган. Профессонал ўйинчилар катта кибер спорт мусобақаларида қатнашиб, катта миқдордаги пулларга эга чиқишмоқда.

Хўш, қайси ўйин жанри энг машҳур ёки қайси ўйинларда катта миқдорда соврин жамғармасига эга чиқиш мумкин?

Кибер спорт ўйинларининг машҳурлиги ортиб бориши билан профессионал ўйинчилар сони ҳам мунтазам равишда ошиб боряпти. Натижада, ўйинларнинг оммабоплик рейтинги доимо ўзгаради. Шунинг учун қуйида ўтган йиллардаги энг машҳур бўлган бешта кибер спорт ўйинини тақдим этамиз. Ушбу бешлик сўнгги йилларда оммабоп eSport ўйинлари бўйича тенгсиз бўлиб қолмоқда.

Counter-Strike: Global Offensive (CS GO)

Ушбу отишма ўйиннинг классик режимида беш кишидан иборат икки жамоа бир-бири билан курашади. Тирик қолган жамоа эса раунд бўйича ғолибликни қўлга киритади.

Ўйиннинг ўзига хос хусусияти шундаки, бошқа отишма ўйинларга қараганда уни ўрганиш нисбатан осон. Ўйинда турли хил харита, граната ва қуроллар мавжуд. Қуролларнинг барчаси турли хил ўқ отиш усулига эга, бу эса ўйинни янада қизиқарлилигини оширади. Ҳатто тажрибали ўйинчиларни ҳам қийинчиликка учрашади.

Жанр: отишма, 10,000 дан ошиқ профессионал ўйинчилар ўйнайди

Компания: Valve Corporatio

Яратилган сана: 21.08.2012

Ўйнаш ёши: 16

League of Legends

«League of Legends» стратегия ўйинида икки жамоа классик MOBA харитасида бир-бири билан рақобатлашади. Ҳар бир жамоа бештадан иборат бўлиб, уларнинг ҳар бири мавжуд бешта ролдан бирини ўз зиммасига олади.

Ҳар бир қаҳрамон тўрт хил қобилиятга эга ва турли хил тактикаларни талаб қилади. Ҳар бир ролнинг ўйинчилари ўзларининг ўйин позициялари бўйича рақиб жамоасининг бир хил роллари билан рақобатлашадилар. Мақсад рақибларни йўқ қилиш орқали улар устидан устунликни қўлга киритиш ва шу билан уларнинг базасига кириб, уларнинг алоқаларини йўқ қилишдир.

Жанр: уруш, 7130 дан ошиқ профессионал ўйинчилар ўйнайди

Яратилган сана: 27.10.2009

Компания: Риот Гамес

Ўйнаш ёши: 12

Fortnite

Battle Royale “Fortnite“ отишма ўйиннинг энг қизиқарли қисми. Ўйинининг принтсипи оддий: жами 100 нафар ўйинчи улкан харитада бир-бири билан рақобатлашади. Охирги омон қолган ғалаба қозонади.

Бошқа Battle Royale унвонларидан фарқли ўлароқ, Fortnite турли хил ресурсларни олиш ва тузилмаларни қуришга алоҳида эътибор беради. Бу бошқа ўйинчиларга қарши курашда тактик устунлик яратиши ёки ҳимояни таъминлаши мумкин.

Жанр: отишма, 4000 дан ортиқ профессионал ўйинчилар ўйнайди.

Чиқарилган сана: 25.07.2017

Компания: Epic Games

Ўйнаш ёши: 16

Dota 2

League of Legends каби Dota 2 ўйнида ҳам беш ўйинчидан иборат икки жамоа бир-бири билан курашади. Ўйинда 110 дан ортиқ турли қаҳрамонлар мавжуд. Анча йиллардан буён Dota 2 энг оммабоп eSport ўйинлари қаторидан ўрин олмоқда.

Жанр: уруш

Чиқарилган сана: 09.07.2013

Компания: Валве Cорпоратион

Ўйнаш ёши: 12

Overwatch

World of Warcraft ўйини яратувчиси ҳисобланувчи Blizzard Entertainment компанияси Overwatch отишма ўйинини ҳам яратди. Ушбу ўйинда ҳам турли хил қаҳрамонлар учун турли рўлларни танлаш мумкин.

Жанр: отишма, 3000 дан ортиқ профессионал ўйинчилар ўйнайди