Энг оммабоп 10 смартфон (1-ҳафта)

Энг оммабоп 10 смартфон (1-ҳафта)

GSMArena.com сайти ҳафталик равишда тренддаги смартфонлар ўнталигини эълон қилади. Бу уларнинг сайтидаги қидирувлар сонига асосланади. Биз ҳам мана шу рейтингни сизга тақдим қиламиз.

2020 йилнинг илк чартидаги дастлабки ўринлар деярли ўзгармаган.

Redmi Note 8 Pro яна биринчиликка чиқиб олган бўлса, Galaxy A51'га кумуш медаль насиб қилди.

Топ учликни якунлаб берган Redmi Note 8'дан кейинги поғона яқинда тақдим қилинган Oppo Reno3 Pro'га тегди.

Samsung'нинг Galaxy A71'и қоқ марказга жойлашган бўлса, Xiaomi яратган Mi Note 10 Pro олтинчилик билан чекланди.

Ўтган йилги чартларимизда муқим қолган Galaxy A50 янги йилда ҳам кўриниш бермоқда — еттинчи ўрин. Байрам совғаси сифатида кўп харид қилинган Apple iPhone 11 Pro Max'ни эса рейтингимизнинг саккизинчи поғонасида қайта кўришдан мамнунмиз.

Ўнталигимиздаги тўртинчи Samsung смартфони Galaxy A70 ва тақдимотига бир неча кун қолган Realme X50 5G'ларга мос равишда энг сўнгги икки поғона насиб қилди. Realme девайсининг рейтинги кейинги ҳафталарда юқорилаши эҳтимоли бор.

Samsung Galaxy A01, Redmi K30 ва Oppo A91'ларга хайрлашув сўзини айтдик. Шундай қилиб, 2020 йилги илк чартимиздаги тўртта ўрин Samsung, учтаси Xiaomi, қолган учтаси Apple, Realme ва Oppo'ларга насиб қилди.

Xiaomi Redmi Note 8 Pro
Ҳозирги рейтинги: 1/Ўтган ҳафтадаги рейтинги: 2
Samsung Galaxy A51
Ҳозирги рейтинги: 2/Ўтган ҳафтадаги рейтинги: 4
Xiaomi Redmi Note 8
Ҳозирги рейтинги: 3/Ўтган ҳафтадаги рейтинги: 3
Oppo Reno3 Pro
Ҳозирги рейтинги: 4/Ўтган ҳафтадаги рейтинги: Топ ўнталикка кирмаган
Samsung Galaxy A71
Ҳозирги рейтинги: 5/Ўтган ҳафтадаги рейтинги: 1
Xiaomi Mi Note 10 Pro
Ҳозирги рейтинги: 6/Ўтган ҳафтадаги рейтинги: 9
Samsung Galaxy A50
Ҳозирги рейтинги: 7/Ўтган ҳафтадаги рейтинги: 8
Apple iPhone 11 Pro Max
Ҳозирги рейтинги: 8/Ўтган ҳафтадаги рейтинги: Топ ўнталикка кирмаган
Samsung Galaxy A70
Ҳозирги рейтинги: 9/Ўтган ҳафтадаги рейтинги: 10
Realme X50 5G
Ҳозирги рейтинги: 10/Ўтган ҳафтадаги рейтинги: Топ ўнталикка кирмаган

Барча тасвирлар GSMArena.com сайтидан олинди.

ЎҚИНГ: Ўтган ҳафта трендда бўлган топ 10 смартфон (эллик биринчи ҳафта)

Terabayt.uz сайтининг видеолари: Youtube'даги каналимизда!