Энг оммабоп 10 смартфон (35-ҳафта)
Ортда қолган ўттиз бешинчи ҳафта учун тузилган рейтингимизнинг катта қисми ҳали тақдим қилинмаган смартфонлардан иборат бўлди.
realme 7 Pro техноишқибозларнинг эътиборини ўзига энг кўп қарата олган смартфон бўлди. Ундан кейинги ўринни Oppo F17 Pro қурилмаси банд этди. Икковлон Xiaomi Mi 10 Ultra ва Samsung Galaxy Note 20 Ultra'ларни «тахтдан ағдарди».
Xiaomi'нинг энг сўнгги Mi Note'и учинчи ўринга тушиб қолди. Топ учликдан кейинги дастлабки поғона эса Redmi Note 9 Pro моделига насиб қилди. Сайтимизда ушбу смартфон тавсифини ёзганмиз, уни ўқиш учун бу ерга босинг.
Samsung Galaxy Note 20 Ultra эса қоқ марказдан жой олди. Олтинчи ўринни эса яқинда тақдим қилинган Infinix Zero 8 қурилмаси банд қилди.
Redmi Note 9 еттинчига, Zenfone 7 Pro эса саккизинчига лойиқ кўрилди.
Samsung Galaxy A51 тўққизинчиликка ўз номини ёздирган бўлса, сўнгги ўрин realme X7 билан тўлди.
Шундай қилиб, ўтган ҳафтадаги OnePlus Nord, учта Redmi 9 смартфони, Note 9 ва K30 Ultra'лар бу гал чартимиздан жой олмади.
Ўттиз бешинчи ҳафтадаги рўйхатимиз Xiaomi'нинг 3 та, realme'нинг 2 та, Samsung'нинг 2 та, Oppo'нинг 1 та, Infinix'нинг 1 та ва Asus'нинг 1 та смартфонидан таркиб топди.
realme 7 Pro🔺️
Ҳозирги рейтинги: 1/Ўтган ҳафтадаги рейтинги: топ ўнталикка кирмаган
Oppo F17 Pro🔺️
Ҳозирги рейтинги: 2/Ўтган ҳафтадаги рейтинги: топ ўнталикка кирмаган
Xiaomi Mi 10 Ultra🔻
Ҳозирги рейтинги: 3/Ўтган ҳафтадаги рейтинги: 1
Xiaomi Redmi Note 9 Pro🔴
Ҳозирги рейтинги: 4/Ўтган ҳафтадаги рейтинги: 4
Samsung Galaxy Note 20 Ultra 5G🔻
Ҳозирги рейтинги: 5/Ўтган ҳафтадаги рейтинги: 2
Infinix Zero 8🔺️
Ҳозирги рейтинги: 6/Ўтган ҳафтадаги рейтинги: топ ўнталикка кирмаган
Xiaomi Redmi Note 9🔻
Ҳозирги рейтинги: 7/Ўтган ҳафтадаги рейтинги: 5
Asus Zenfone 7 Pro ZS671KS🔺️
Ҳозирги рейтинги: 8/Ўтган ҳафтадаги рейтинги: топ ўнталикка кирмаган
Samsung Galaxy A51🔻
Ҳозирги рейтинги: 9/Ўтган ҳафтадаги рейтинги: 8
realme X7 Pro🔻
Ҳозирги рейтинги: 10/Ўтган ҳафтадаги рейтинги: 3
