Энг оммабоп 10 смартфон (38-ҳафта)

Энг оммабоп 10 смартфон (38-ҳафта)

Ортда қолган ҳафтада Apple тўртта янги қурилмасини тақдим қилди. Улар иккита соат, планшет ва финтесс хизмати эди. Булардан фақат биттаси бизнинг рўйхатимиздан жой эгаллашга эришди.

Apple iPhone 12 Pro Max дўкон расталаридан жой олишига ҳали икки ойча вақт бор. Бироқ шунга қарамай, техноишқибозлар қурилмага анча қизиқаётган кўринади. Смартфон бу галги рейтингимизда ўтган галги ўнинчи ўрнидан биринчи ўринга чиқиб олди.

Xiaomi Poco X3 NFC иккинчиликка тушиб қолган бўлса, iPad Air топ учликка якун ясаб берди. Планшетнинг учинчи ўринни эгаллаши ҳайратланарли натижа. Бизнингча, кўпчилик Apple A14 чипида ишлайдиган илк планшетни синаб кўришга қизиқмоқда.

Тўртинчи ўринда Samsung Galaxy M51 турган бўлса, бешинчиликни realme 7 Pro банд қилди.

Олтинчи ва еттинчи ўринлар эса мос равишда Redmi Note 9 Pro (тавсифини ўқинг) ва Redmi 9'га насиб қилди.

Samsung'нинг яна бир қурилмаси — Galaxy A51 (тавсифини ўқинг) саккизинчиликни банд қилган бўлса, бугун тақдим қилинган realme C17 тўққизинчи ўринга ўз номини ёздирди.

Сўнгги ўрин эса яқинда намойиш қилинган Sony Xperia 5 II'га тегди.

Бу гал Poco M2, Xiaomi Mi 10 Ultra ва Motorola Moto G9 Plus'лар бизнинг рўйхатдан жой олмади.

Шундай қилиб, ортда қолган ўттиз саккизинчи ҳафтадаги рейтингимиз Xiaomi'нинг 3 та, Apple'нинг 2 та, Samsung'нинг 2 та, realme'нинг 2 та ва Sony'нинг 1 та қурилмасидан иборат бўлди.

Apple iPhone 12 Pro Max
Ҳозирги рейтинги: 1/Ўтган ҳафтадаги рейтинги: 10
Xiaomi Poco X3 NFC
Ҳозирги рейтинги: 2/Ўтган ҳафтадаги рейтинги: 1
Apple iPad Air (2020)
Ҳозирги рейтинги: 3/Ўтган ҳафтадаги рейтинги: топ ўнталикка кирмаган
Samsung Galaxy M51
Ҳозирги рейтинги: 4/Ўтган ҳафтадаги рейтинги: 2
realme 7 Pro
Ҳозирги рейтинги: 5/Ўтган ҳафтадаги рейтинги: 3
Xiaomi Redmi Note 9 Pro
Ҳозирги рейтинги: 6/Ўтган ҳафтадаги рейтинги: 4
Xiaomi Redmi Note 9
Ҳозирги рейтинги: 7/Ўтган ҳафтадаги рейтинги: 5
Samsung Galaxy A51
Ҳозирги рейтинги: 8/Ўтган ҳафтадаги рейтинги: 6
realme C17
Ҳозирги рейтинги: 9/Ўтган ҳафтадаги рейтинги: топ ўнталикка кирмаган
Sony Xperia 5 II
Ҳозирги рейтинги: 10/Ўтган ҳафтадаги рейтинги: топ ўнталикка кирмаган

Барча тасвир ва рендерлар GSMArena.com сайтидан олинди.

ЎҚИНГ: Энг оммабоп 10 смартфон (37-ҳафта)

Хабарларни тез ва осон ўқиш учун Андроид иловамизни сақлаб олинг.