Феврал ойига кўра энг яхши ишлайдиган Android смартфонлар топ ўнталиги

Феврал ойига кўра энг яхши ишлайдиган Android смартфонлар топ ўнталиги

AnTuTu бенчмарки жамоаси 2023-йилнинг феврал ойига кўра бутун дунёдаги энг яхши ишлайдиган Android смартфонлар топ ўнталиги рўйхатини эълон қилишди ва унда биз Snapdragon 8 Gen 2 билан жиҳозланган флагманлар рўйхатнинг юқори ўринларини эгаллаганлигини кўришимиз мумкин.

Nubia жорий йил бошида тақдим қилган Red Magic 8 Pro+ смартфони рўйхатга янги қўшилиши биланоқ AnTuTu'нинг энг юқори баҳосини олди – смартфон 13 044 235 балл билан топ ўнликнинг биринчи ўрнини қўлга киритди.

Ўтган ойнинг энг кучли Android смартфони бўлган Vivo Х90 Pro+ эса иккинчи ўринга, унинг ортида турган iQOO 11 эса учинчи ўринга тушиб қолишган.

Рўйхатга, шунингдек, Samsung феврал ойи бошида тақдим қилган Galaxy S23 сериясидаги смартфонлар ҳам қўшилган бўлиб, Galaxy S23 Ultra, Galaxy S23+ ва Galaxy S23 кетма-кет тўрт, беш ва олтинчи ўринларни эгаллашган.

OnePlus 11 смартфони топ ўнликнинг охирги Snapdragon 8 Gen 2 чипсетли флагман бўлиб, у 1 150 541 балл билан еттинчи ўриндан жой олган.

Рўйхатдаги ягона Dimensity чипсетли қурилма, ROG Phone 6D саккизинчи ўринни банд қилган.

Топ ўнлик Redmi'нинг Snapdragon 8+ Gen 1 чипсетли икки смартфони: Mi 12Т Pro (тўққизинчи) ва Redmi К50 Ultra (ўнинчи) смартфонлари билан якунланади.

Сайтимизнинг энг чиройли расмларини Инстаграмдаги саҳифамизда томоша қилинг!