Флагман иккинчи марта ҳафсалани пир қилди!
JerryRigEverything номи билан танилган YouTube'чи Зекнинг навбатдаги чидамлилик синови қурбони анчайин реклама қилинган Google Pixel 4 XL смартфони бўлди.
Қурилма тирнаш синовидан бозордаги бошқа телефонлар каби ўтади. YouTube'чи смартфоннинг асосий жиҳатларига тўхталиб ўтиб, экранни оловга тутади.
Лекин қайириш тестига навбат келганда, натижалар чаппасига кетиб, Pixel 4 XL енгил босим остида дарз кетади. Қизиғи, телефон орқа томондан ўтказилган босимга бардош беради, аммо экран томони қайрилганда эса икки жойдан синиб кетади. Зекнинг фикрича, антенна жойлашган жой смартфоннинг, ўз маъносида, нозик нуқтасидир. Эслатиб ўтамиз, илгарироқ iPhone 11 Pro Max билан тезлик борасида ҳам таққослаб кўрилганда, Pixel 4 XL ютқазган эди.
Минг марта гапиргандан бир марта кўрган афзал. Мана, ўзингиз кўринг:
ЎҚИНГ: Тезлик завқи: Pixel 4 XL тезроқми ёки iPhone 11 Pro Max'ми? (+видео)
