Galaxy A13 5G'нинг рендерлари эълон қилинди
5G тармоғига эга бўлган энг арзон Galaxy смартфони бўлган A13 5G келаси йилнинг бошида тақдим этилиши маълум қилинди. OnLeaks ҳамда Zouton сайтлари эса қурилманинг рендерларини эълон қилди.
ЎҚИНГ: Оммабоп Samsung смартфонига октябрь ойи дастур янгиланиши келишни бошлади
Қурилма корпуси пластикдан ишланган. Қизиғи, смартфон орқа панелидаги камералар бўртиб чиқмаган. Улар бир биридан ажралиб туради.
Смартфон 6.48 дюймли IPS LCD дисплейига эга бўлиб, у 1080x2340 пиксел резолюцияни таклиф қилади. Бармоқ изи сканери қурилманинг ён томонига ўрнатилган.
Шунингдек, Galaxy A13 5G смартфони Dimensity 700 чипи, 50МП f/20 асосий камера, 5МП f/2.2 ультракенг камера ҳамда 2МП сатҳ камера билан жиҳозланган. Аккумулятор сиғими 5,000 мАс бўлиб, уни 25 ваттда қувватлаш мумкин. Қурилманинг 4/64ГБ ҳамда 8/128ГБ хотира ҳажмига эга бўлган турлари бор.
Смартфон АҚШ ҳамда Канада давлатларида 290 доллар нархда сотувга чиқиши кутилмоқда. Унинг Black, White, Red ҳамда Blue рангли турлари бўлади.
ЎҚИНГ: Samsung бизнинг Galaxy S21 FE ҳақида унутишимизни хоҳламоқда
