Galaxy A73 смартфони GeekBench'да тестдан ўтди

Galaxy A73 смартфони GeekBench'да тестдан ўтди

Samsung Galaxy A73 модели кутилганидан кўра кучлироқ чипсетга эга бўлиши мумкин. Аввалги маълумотларда смартфон худди А52 5G қурилмаси каби Snapdragon 750G чипида ишлаши айтилётган эди.  

Гап шундаки, янги смартфон Snapdragon 778G чипи билан жиҳозланиши кутилмоқда. 6 нанометрлик жараён асосида яртилган ушбу чип тўртта Cortex-A78 ҳамда тўрттта А55 ядроларига эга. Графика учун эса Adreno 642L график процессори жавоб беради. Ушбу чипда 5G модем борлигини ҳам таъкидлаб ўтиш зарур. 

Galaxy A73 моделига Snapdragon 778G чипи ўрнатилади дегани бу А53 модели ҳам ушбу чипга эга бўлишини англатмайди. Google Play Console аллақачон A53 5G қурилмасини Exynos 1200 чипида ишлашиини ко'рсатиб берди.

Ҳозирча Galaxy A73 ва А53 моделларининг 4G версиялар сотувга чиқиши номаълум. Ўтган ҳафта тақдим этилган A13 ва A23 моделлари 4G версияда эди. 

Сиздирилган маълумотларга кўра, Galaxy А73 модели 120Hz янгиланиш частотасида ишловчи FHD+ резолюциядаги 6.7 дюймли Super AMOLED дисплейи, 108МП асосий камера, 12МП ультракенг камера, 8МП телефото камера ҳамда 2МП қўшимча камерага эга бўлади. Шунингдек, қурилма 25 ваттда қувват олувчи 5,000 мАс сиғимли аккумулятор билан жиҳозланади. 

Таққослаш учун, Galaxy A53 моделига 120Hz частотада ишловчи 6.52 дюйимли AMOLED дисплейи, 25 ваттда қувват олувчи 5,000 мАс сиғимли аккумулятор ўрнатилади. А73 моделидан фарқли ўлароқ А53 қурилмаси 108МП эмас, балки 64МП асосий камерага эга бўлади. Шунингдек, унда телефото камера бўлмайди. Смартфоннинг нархи тахминан 470 евро атрофида бўлади. Бу ўтган йилги A52s 5G моделига қараганда бироз қимматроқ. 

Galaxy A73 моделига қайтсак, ҳозирча смартфоннинг нархи ёки унинг қачон сотувга чиқиши номаълум.

ЎҚИНГ: Samsung ҳам шу ойда яна янги смартфонлар тақдим қилади 

Хабарларни тез ва осон ўқиш учун Андроид иловамизни сақлаб олинг.