Galaxy A82 ҳақида илк маълумотлар пайдо бўлди
Samsung компанияси 2021 йил учун Galaxy A сериясидаги иккита A52 ҳамда A72 смартфонларини тақдим этди.
Кўринишидан, компания A серия линейкасида ушбу гаджетлар билан чекланиб қолишни истамаяпти. Жанубий кореялик техногигант Galaxy A82 смартфонини ишлаб чиқариш устида иш олиб бормоқда.
ЎҚИНГ: Иккита версияда Samsung Galaxy A52 чиқди – нарх ва хусусиятлари
Galaxy A80 қурилмаси ишлаб чиқарилгандан сўнг, Samsung ушбу қурилманинг кейинги авлодни ишлаб чиқармади. Galaxy A80 айланувчи камерага эга бўлиб, орқа камерадан селфи камера сифатида ҳам фойдаланиш мумкин.
Galaxy А82'га ҳам бундай айланувчи камера ўрнaтилиши ҳали номаълум. Бироқ айрим миш-мишларга қараганда, гаджетнинг асосий орқа камераси A52 ва A72 девайслариники каби 64МП бўлиши мумкин. Galaxy A82 смартфонига Sony томонидан ишлаб чиқарилган IMX686 сенсори ўрнатилиши айтилмоқда.
Қурилма Qualcomm томонидан икки йил аввал ишлаб чиқарилган Snapdragon 855+ чипи билан жиҳозланиш эҳтимоли мавжуд.
Galaxy A82 биринчи навбатда Корея бозорлари учун ишлаб чиқарилади. Гаджетнинг глобал версияси чиқиши ёки чиқмаслиги ҳали номаълумлигича қолмоқда.
