Galaxy Book2 Pro ва Book2 Pro 360 ноутбуклари тақдим этилди

Galaxy Book2 Pro ва Book2 Pro 360 ноутбуклари тақдим этилди

Кутилганидек Samsung MWC тадбирида ўзининг янги ноутбукларини тақдим этди. Улар тўртта бўлиб, барчаси 1080p резолюциядаги AMOLED дисплейи ҳамда 12-авлод Intel процессорлари билан жиҳозланган. Шунингдек, ноутбуклар S Pen стилусини қўллаб-қувватлайди. 

Худди ўтган йилги моделлар каби Galaxy Book2 Pro ва Galaxy Book2 Pro 360 ноутбукларининг 13.3 ҳамда 15.6 дюймли версиялари бўлади. 360 модели оддий моделдан фарқи - унинг экрани 360 градусга қайрила олади, яъни ундан планшет сифатида ҳам фойдаланиш мумкин.  

Galaxy Book2 Pro 360 моделининг 13.3 дюймли версияси оғирлиги 1.04кг бўлса, 15.6 дюймли версиясининг оғирлиги эса 1.41кг ташкил қилади. 

Икки AMOLED дисплей 1920х1080 пиксел резолюцияда бўлиб, Samsung'нинг таъкидлашича, оддий режимда уларнинг ёрқинлиги 400 нитни ташкил қилади. HDR режимида эса ёрқинлик 500 нитгача бориши мумкин. 

Дисплей S Pen стилусини қўллаб-қувватлайди, аммо унда Bluetooth мавжуд эмас. Samsung стилусининг кечикишини камайтирган, энди ёзув ёзиш ёки расм чизиш жараёнлари янада қулайроқ бўлади. Samsung Notes иловаси қўл ёзувини яхши аниқлаш тизими, гиперҳаволани қўллаб-қувватлаш функциясига эга бўлди. Энди ноутбукдан Android операцион тизимида ишловчи Galaxy қурилмаларига қайдларни бир зумда синхронлаштириш мумкин. 

Galaxy Book2 Pro 360 ноутбуки 12-авлод Intel Core i7 ёки i5 процессори ҳамда Intel Iris X график картаси билан жиҳозланди. LPDDR5 тезкор хотирасининг 8/16/32ГБ турлари мавжуд. 

13,3 дюймли Galaxy Book2 Pro 360 ноутбуки 63 вт/соат, 15,6 дюймли модель эса 68 вт/соат сиғими аккумуляторга эга. Иккала моделда ҳам битта Thunderbolt 4 ва иккита USB-C портлари, қулоқчин ва микрофон учун порт ва microSD уяси мавжуд. Зарядлаш USB-C порти орқали 65 ваттда амалга оширилади. Компания Galaxy Book2 Pro 360'нинг аккумулятори қуввати 21 соатгача етишига ваъда бермоқда.

Оддий моделларда портлар бироз бошқача. 13,3 дюймли Galaxy Book2 Pro'да битта Thunderbolt 4, битта USB-C, битта тўлиқ ўлчамли USB 3.2 порти, 3,5 мм аудио жек ва microSD уяси мавжуд. 15,6 дюймли модель тўлиқ ўлчамли HDMI, шунингдек, 5G тармоғи учун SIM-карта уяси билан жиҳозланган. 

Galaxy Book2 Pro ноутбуки Silver ва Graphite рангларда тақдим этилди. Core i7 ҳамда 8/256ГБ хотирага эга бўлган версиянинг нархи 1050 долларни ташкил қилади. 

ЎҚИНГ: Катта экран катта пул дегани эмас 

Сайт янгиликларидан доимий хабардор бўлиш учун Телеграм каналимизга қўшилинг!