Galaxy Fold ҳақидаги хабарлар нотўғри экан

Galaxy Fold ҳақидаги хабарлар нотўғри экан

Куни кеча кўплаб янгиликлар сайтларида Samsung вакилига таяниб, Galaxy Fold смартфони 1 миллион донадан ортиқ сотилгани ҳақида хабар берилганди. Ваҳоланки, Samsung ушбу маълумотлар нотўғрилигини айтмоқда.

Ҳаммаси TechCrunch Disrupt Belin конференциясидан бошланди. Конференцияда Samsung Electronics Президенти Сон Ёнг-квон компания 1 миллион дона Galaxy Fold букламафонини сотиб улгургани ҳақида гапирган: "... ушбу қурилмадан миллион дона сотдик. 2 000 долларлик маҳсулотимизни ишлатмоқчи бўлган мижозлар сони бир миллион бўлди", деган эди у.Бироқ Samsung'дагиларнинг кейинроқ берган ҳисоботида Президент таъкидлаган рақам, аслида, компания савдолар бошланишидан олдин ўз олидга қўйган илк мақсад эканлиги ва бу ерда чалкашиш бўлгани, смартфон савдоси ҳажми ҳозирча 1 миллионга етмагани ҳақида ёзилган.

Galaxy Fold сотувга чиқишидан олдин таҳлилчилар қурилма 2019 йилда 400 000—500 000 дона сотилишини тахмин қилганди. Samsung'нинг ўзи эса 500 000 дона атрофида букламафон сотишни кутаётганди. Бироқ савдолар ҳажми айни дамда қанча бўлгани ҳақида ҳозирча расмий ва тўғри маълумот берилмади.

ЎҚИНГ: Galaxy A71 тақдим этилди: процессори кучли, ўзи катта, юпқа ва енгил смартфон

Сайт янгиликларидан доимий хабардор бўлиш учун Телеграм каналимизга қўшилинг!