Galaxy M13 смартфони тақдим этилди

Samsung кеча жимгина Galaxy M13 смартфонини тақдим этди. Қурилма M сериядаги энг арзон смартфон. Гарчи компания смартфоннинг нархини эълон қилмаган бўлса-да, унинг техник кўрсаткичларига қараб нарх юқори бўрмаслигини тахмин қилиш мумкин.

Қурилма FHD+ резолюциядаги 6.6 дюймли дисплей билан жиҳозланган. Дисплейнинг юқорисидан томчисимон шаклдаги селфи камера ўрин олган. Смартфонга 4ГБ тезкор, 64/128ГБ доимий хотирага эга бўлган Exynos 850 чип ўрнатилган. 5,000 мАс сиғимли аккумулятор билан қурилма узоқ муддат ишлаб бериши мумкин. 

Камера техник кўрсаткичлари жуда юқори эмас. Орқа панелдан 50МП асосий, 5МП ультракенг ва 2МП сатҳ камера ўрин олган. Олд панелдаги селфи камеранинг резолюцияси 8 мегапикселни ташкил этади. 

Смартфон Android 12 операцион тизимига асосланган One UI Core 4.1 график қобиғида ишлайди. “Core“ қобиғида асосан бюджет синфидаги Galaxy смартфонлари ишлайди.

Galaxy M13 модели 5G тармоғини қўллаб-қувватламайди. Бироқ кейинроқ унинг 5G модемга эга версияси сотувга чиқиши айтилмоқда. 

Қурилма Deep Green, Orange Copper ва Light Blue рангларда тақдим этилди. Унда иккита SIM-карта учун жой ва 3.5 мм аудио жек мавжуд. 

ЎҚИНГ: iPhone 14 қаторидаги моделларнинг бири бироз кечикиб чиқарилиши мумкин