Galaxy М14 бюджет смартфони Galaxy S23 камера дизайнида тақдим қилди
Samsung компанияси бир неча кун аввал ўзининг бюджет синф смартфонлари қаторига янги, Galaxy М14 моделини қўшди. У Galaxy А14 га ўхшаш кўриниш ва техник хусусиятларга эга.
Galaxy М14 смартфони 6.6 дюймли Full HD+ резолюциясидаги PLS LCD экранга эга ва у 90 герц янгиланиш тезлигини қўллаб-қувватлайди. Экран Samsung'нинг Infinity-V рамкаси билан ўралган ва V тирқишда 13 MP селфи камера жойлашган.
Орқа томондаги учлик камера жойлашуви бир қарашда Galaxy S23 смартфонларини эслатиб юборади. Уларнинг асосийси f/1.8 диафрагмали 50 MP сенсор бўлиб, у 1080p форматда сониясига 30 кадр тезликда видео тасвирга олиш имконини беради. Қолган модулларнинг бири 2 MP макро бўлса, яна бири 2 MP портрет сенсоридир.
Капот остида қурилма Exynos 1330 чипсетида 4 GB оператив ва 64/128 GB доимий хотира билан Android 13 га асосланган One UI 5 версиясида ишлайди. Албатта, хотира етмаганда уни microSD карта билан кенгайтириш имкони мавжуд. Смартфоннинг ўзига хос хусусияти унинг батареясида – 6000 мА/соат батареяни ҳатто флагманларда ҳам топа олмайсиз. Бироқ, қувват кўп бўлгани билан уни қувватлаш тез бўлмайди: USB 2.0 Type-C порти орқали смартфонни 15 Вт тезликда зарядлаш мумкин.
Қўшимчасига смартфон салкам 6 герц 5G ни қўллаб-қувватлайди. Шунингдек, ён томонида бармоқ изини аниқлаш сканери билан бирга симли наушник уясига ҳам эга.
Samsung Galaxy М14 смартфони тўқ кўк, оч ҳаворанг ва кулранг рангларда Украинада таклиф қилинади. Нархлар қуйидагича:
- Galaxy М14 (4/64 GB) – 8299 украин гривнаси ёхуд 225 доллар атрофида;
- Galaxy М14 (4/128 GB) – 8999 украин гривнаси ёхуд 245 доллар атрофида.
Samsung тез кунда ўзининг ушбу смартфонини бошқа давлатларда ҳам тақдим қилиши кутилмоқда.
