Galaxy Note 9’да дастур янгиланиши: қандай янгиликлар бор?

Айни дамда Samsung'нинг 2019 йилдаги энг яхши смартфонларидан бири бўлган Galaxy Note 9 Android'нинг Pie версияси тақдим этилганидан сўнг янада кучли қурилмага айланган эди. Эндиликда эса ушбу планшетофон фойдаланувчиларида камеранинг "Тунги режим" (Night mode) функциясига эга бўлиш имкони пайдо бўлди.

Тизим янгиланишида, шунингдек, июнь ойи хавфсизлик патчи ва Bixby орқали QR-кодни сканер қилиш функциялари ҳам тақдим қилинади. Ўтган ҳафтада янгиланишни бошлаган S9 ва S9+ флагманларида ҳам худди шу янгиланишлар бор эди ва Note 9 ҳам энди бундай функционалликка эга бўлади.

Ҳозиргача фақат S10 да мавжуд бўлган Live Focus камера эффекти тизим янгиланишидан сўнг S9 ва Note 9 смартфонларида ҳам пайдо бўлади.

Янгиланишдан сўнг сизнинг Note 9'ингизда 4 та камера эффекти: Blur, Spin, Zoom ва Colоr Point'лар мавжуд бўлади. Шунингдек, жонли фокусга боке эффектини қўшиш мумкин бўлади⁠ — расм S10'да олингандек чиқади. Бироқ тасвирга ишлов бериш учун катта қувват талаб қилингани боис, буни S10'даги каби Note 9 ёки S9'ларда реал вақт режимида амалга ошириб бўлмайди. Расм олинганидан сўнг, унга жонли фокус эффектини қўшиб, "Фон эффектини ўзгартириш" опсиясини танлаш билан кутилган натижага эришилади.

Германиядаги фойдаланувчилар аллақачон N960FXXU3CSF9 версияли 704 МБ ҳажмдаги янгиланишни қабул қилишмоқда. Бошқа мамалакатлар фойдаланувчилари ҳам яқин фурсатлар ичида янги дастурий янгиланишидан баҳраманд бўлишлари мумкин. Samsung, одатда, аввал Exynos чипли қурилмаларни, ана ундан сўнг, Snapdragon'ларни янгилайди.

Шуни ҳам таъкидлаш керакки, Тунги режим қўшилиши билан бир қаторда, Note 9 камерасининг бир қатор кичик жиҳатлари ҳам такомиллаштирилган. Агар Сизга ҳали тизим янгиланиши келмаган бўлса, "Созламалар"даги “Тизим янгиланиши” бўлимига кириб, янгиланишни текшириб кўришингизни маслаҳат берамиз.

ЎҚИНГ: Ҳамёнбоп Galaxy A90 флагмани энг кутилаётган технологиядан маҳрум экан!