Galaxy S смартфонлари тарихида катта ўзгариш

Galaxy S смартфонлари тарихида катта ўзгариш

Ўтган ой охирида Samsung "Project Diamond" код номи остида Galaxy S23 смартфонини устида ишлаётгани ҳақида хабарлар тарқалган эди. Бугун Кореялик манбалардан бирининг хабар беришича, Samsung ўзининг бўлажак юқори даражадаги смартфонлари учун MediaTek чипсетларидан фойдаланиши мумкин. Маълум бўлишича, компания MediaTek чипсетларини фақат Galaxy S22 FE (Fan Edition) смартфонларининг ярмида ва Осиёда сотиладиган Galaxy S23 смартфонларида ишлатади.

Жанубий Корея компанияси ўзининг юқори даражадаги смартфонлари учун шу вақтгача фақат Qualcomm ва Exynos чипсетларини, ўрта даражадаги смартфонлари учун эса MediaTek чипсетларини ўрнатиб келган эди. Агар берилган маълумотлар тўғри бўлса, Samsung илк маротаба ўзининг премиум смартфонлари учун MediaTek чипсетидан фойдаланаётган бўлади.

Шуни ҳам таъкидлаш керакки, ҳозирда Samsung ўзи ишлаб чиқарадиган Exynos чипларини оммалаштиришда қийналмоқда. Ҳатто, компания ўзининг шу йил бошида чиқарган Galaxy S22 смартфонлари учун ҳам Qualcomm чипидан фойдаланган.

ЎҚИНГ: Galaxy S20 FE смартфони қайта тирилди!

Хабарларни тез ва осон ўқиш учун Андроид иловамизни сақлаб олинг.