Galaxy S22 Ultra - энг кўп сотилган Galaxy Note смартфони
Samsung компаниясининг Galaxy S22 Ultra флагмани тез орада энг кўп сотилган Galaxy Note смартфони бўлиши мумкин. Тўғри, техник жиҳатдан Galaxy S22 Ultra смартфони Note деб аталмайди, лекин у ҳам ўтган йилги Galaxy S21 Ultra, ҳам икки йил олдинги Galaxy Note 20 Ultra давомчиси ҳисобланади. Шунингдек, смартфон Note моделларидаги каби дизайнда бўлиб, у S Pen стилусига ҳам эга.
Кўпчилик одамлар Galaxy Note линиясининг олиб ташланишига негатив фикрлар билдиришди, бироқ, қаторнинг S сериясига қўшилиши ўз самарасини бераётганга ўхшайди. Сўнгги хабарларга кўра, Galaxy S22 Ultra ўзининг биринчи йилида 10,9 миллион дона сотилиши мумкин.
Таққошлаш учун, икки хил вариантда чиқарилган Galaxy Note 20 серияси атиги 7.5 миллион дона сотилган эди. Note 10 серияси эса 9.5 миллион дона, Note 9 серияси эса 9.6 миллион дона сотилган эди. Ҳозирда Galaxy Note смартфонлари "қироли" беш йил аввал чиқарилган Galaxy Note 8 бўлиб қолмоқда - у 10.3 миллионта атрофида сотилган. Лекин Galaxy S22 Ultra сотув жараёни ҳали давом этар экан, у рекордни янгилаши мумкин.
ЎҚИНГ: Samsung Galaxy М53'нинг техник жиҳатлари ва қадоқ таркиби билан танишмиз
