Galaxy S22 Ultra'нинг ишлаб чиқариш ҳажмини ошириш мақсади Samsung битта смартфондан воз кечади
Samsung Galaxy FE моделини ишлаб чиқаришни вақтинчалик тўтатиб туриши мумкин. Аниқроқ қилиб айтганда, S22 FE модели тақдим этилмайди. Бу ҳақда Жанубий Кореянинг The Elec нашри хабар бермоқда.
Унга кўра, чипсетларнинг етишмаслиги ҳамда S22 Ultra моделига талабнинг ошгани сабаб компания ушбу қарорни қабул қилишга мажбур бўлган. Бироқ бу FE модель энди ишлаб чиқарилмайди дегани эмас. Компания келаси йил S23 FE моделини тақдим этиши мумкин.
Galaxy S22 FE модели ҳам S22 Ultra каби чипсет билан жиҳозланиши кутилаётган эди. Бироқ компаниянинг 2022 йилги стратегиясида Ultra флагманга асосий эътибор қаратилган.
Samsung FE сериясида уч миллион дона смартфон ишлаб чиқаришни режа қилган эди. Энди бу режа S23 FE модели учун тадбиқ этилади. Хабарларга кўра, компания 10 миллион дона S22 Ultra сотишни режа қилган. Бунинг учун кўпроқ ресурсларни қайта тақсимлаш керак.
2023 йилга мўлжалланган дастлабки режаларга кўра, Samsung 30% кўпроқ Ультра модель сотмоқчи, яъни 13 миллион дона. Galaxy S23 моделининг сотув ҳажми 8,5 миллион донага етиши кутилмоқда. Энг ками эса S23+ модели. Прогнозга кўра, ушбу модель 6,5 миллион дона сотилади.
ЎҚИНГ: Айрим iPhone 14 моделлари SIM карта уясига эга бўлмайди
