Galaxy S23 смартфонлари Snapdragon 8 Gen 2 билан чиқмайдими?
Samsung ва Qualcomm компаниялари орасидан қил ҳам ўтмайди ёхуд Жанубий Корея компаниясининг анчадан бери ўзининг Galaxy S смартфонларинининг катта партиясини флагман Snapdragon чиплари билан жиҳозлаб келади. Ҳатто, ҳали тақдим қилинмаган Galaxy S23 смартфонлари ҳам Qualcomm бугун тақдим қилган Snapdragon 8 Gen 2 чиплари билан жиҳозланиши анчадан бери миш-миш қилиб келинаётган эди, бироқ сўнгги хабарлар буни аксини кўрсатмоқда.
Маълум бўлишича, Qualcomm'нинг янги тақдим қилинган Snapdragon 8 Gen 2 чипсети билан чиқариладиган смартфон брендлари рўйхатида Samsung мавжуд эмас. Шунда Galaxy S23 смартфонлари Snapdragon 8 Gen 2 билан чиқарилмайдими? Шунақароқ.
Гап шундаки, компаниялар ўртасидаги ҳамкорлик бузилмаган, аксинча, янада мустаҳкамланган ёхуд Samsung ўзининг бўлажак Galaxy S23 смартфонларида Qualcomm'нинг Snapdragon 8 Gen 2 чипсетининг махсус версиясидан фойдаланади. Ҳозирги оригинал Snapdragon 8 Gen 2'нинг модел рақами АB ҳарфлари билан тугайди. Узунқулоқ хабарларга кўра, янги авлод Galaxy S смартфонларига SМ8550-АC моделдаги Snapdragon чипи ўрнатилади. Эҳтимол, бу Snapdragon 8 Gen 2 Pro деб номланиши мумкин. Айтиш керакки, ўзининг Snapdragon Summit тадбири давомида Qualcomm Samsung компаниясини "энди Snapdragon Pro сериясининг расмий ҳамкори" деб эълон қилди.
ЎҚИНГ: Dimensity 9200 – Snapdragon 8 Gen 2 "қотили" чиқарилди
