Galaxy S23 Ultra камераси S22 Ultra ва Пихел 7 Про смартфонларини ортда қолдирди
Таниқли инсайдер Ice Universe ўзининг Weibo саҳифасида ҳали тақдим қилинмаган Galaxy S23 Ultra ва ҳозирги Galaxy S22 Ultra, ҳамда, Pixel 7 Pro смартфонлари билан олинган суратлар улашди. Маълум бўлишича, суратлар флагман смартфонларнинг асосий камераси билан олинган ва улардаги аниқликни кўриш учун катталаштирилган ҳолда кесиб олинган.
Бунда Galaxy S23 Ultra смартфони 200МП асосий камерага эга ва у билан олинган ошқовоқ сурати 108МП ва 50МП камерали қолган смартфонларга қараганда сезиларли даражада рангли, ёрқин ва тиниқ кўринади. Айтиш керакки, бу ҳали чиқарилмаган смартфон, яъни у ҳали тўлиқ бўлмаган прошивкада ишлайди. У расман тақдим қилинганида эса қўшимча илова ва дастурлар смартфон бунданда тиниқроқ суратлар олиши мумкин.
Galaxy S23 серияси келаси йилнинг феврал ойи бошида тақдим қилиниши кутилмоқда.
